Волейбол боюнча Азия чемпиондугу: Кыргыз курама командасы коло медаль жеңди

Кыргыз курама командасы аймактык Азия чемпиондугунда коло медаль жеңди. Мелдеш Бангладештин Дакка шаарында өттү.

Мелдеште жалпы 5 команда бири-бири менен ойноп, тайпалык оюндардын жыйынтыгында Кыргыз өлкөсү Бангладеш менен 3-орун үчүн ойномок. Ал оюнда Кыргыз спортчулары 3:0 эсебинде жеңип алышты.

3-орун үчүн оюн

Кыргыз өлкөсү - Бангладеш - 3:0 (25-13; 25-14; 25-12)

Кыргыз өлкөсүнүн курамы:

Бурулсун Шарапидинова, Алина Гаркушина, Алия Шумкарбекова («Салам-Алик»), Огулай Кудайкулова, Алтынай Самат кызы ( «Улар»), Алина Петренко («Дордой»); Марина Мишина («Улар»); Мадина Мирлан кызы жана Марсель Мамытова («Салам-Алик»); Айдай Кадырова, Камила Оморбекова («Салам-Алик»), Анастасия Горлова («Дордой»);

Башкы машыктыруучу— Абдухамид Айсаходжаев

Автор: Адилет Керимбек уулу