"Атама караганда апамды көбүрөөк угам". Хабиб Нурмагомедов апасы тууралуу айтып берди (видео)

Орусиялык UFC чемпиону Хабиб Нурмагомедов кичинекей өспүрүмдүн ага апасы туралуу суроо бергенин чагылдырган видеону социалдык тармактагы жеке баракчасына жайгаштырды. Ал кичинекей күйөрманынын суроосуна берилүү менен жооп берген. Нурмагомедовдон кичинекей өспүрүм апасы азыр кандай жашап жатканы жөнүндө айтып берүүсүн жана аны кандай эне төрөгөнүн билгиси келгенин айтып, суроо узаткан.

"Апамдын жашоосу азыр жеңилдеди, мурун ага чынында кыйын болгон. Баарыбыздын эле апабыз ар бирибиз үчүн жакшы. Анткени апалар бул жашоодогу эң кымбат белегибиз болуп эсептелинет. Негизгиси бул айтканымды атам укпасын, бирок мен үчүн апам биринчи орунда.

Азыр апакем эч нерсеге муктаж эмес. Апам мурун агам экөөбүз машыкканда эртең менен, кечинде кийимибизди жууйт эле. Ал учурда кир жуучу машина, ысык суу дагы болгон эмес. Азыр келебиз, кийимдерибизди машинага салабыз, кнопканы басабыз, болду кийимдерибиз жуулат. Түшүнүп жатасыздарбы, азыр жашоо кандай жеңил болуп калды. Мен кээде апамды укпай койгон күндөрүмдү эстеп өкүнүп кетем. Азыр атама караганда апамды көбүрөөк угам", - деген ал.

Эскерте кетсек, буга чейин Нурмагомедовдун атасы Абдулманап Хурмагомедов Хабибдин апасы эч качан баласынын беттештерин көрбөй турганын айткан. Ал мелдеш учурунда жолго чыгып кете турганын жана баласынын жеңип же жеңилип жатканын үйүнө топтолгон көрөрмандардын реакциясынан улам байкай турганын билдирген.

Хабиб Нурмагомедов апасы тууралуу айтып берди

Автор: Гүлшат Ысамамат кызы

19:01 18-11-2019

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (5)

katerina.li

2019-11-18 20:07:44

Эми ушу да жанылыкпы катыгун. Машина менен кир жууганы

-6

Losw1

2019-11-18 21:05:35

katerina.li, дагестандыктарга эми эми жетип жатат автомат стиралка, телевизор, телефон дегендей... турмуштан кыйла эле артта калышкан...

Орустар аларды айтат го "тоодон тушкон к**" деп......

bond02

2019-11-18 21:23:59

Анда мушкер эмес жонокой балдардын апасы дагы деле колго кир жууп журушот экен да.

-3

ilgizk

2019-11-19 12:57:36

Хурмагомедов жакшы фамилия Супер :)

Nurmatova.

2019-11-19 14:10:38

Бизге деле эми келип калдыго кир жуучу автомат машина...Апамдарга барсам ыссык суу чыгартышыптыр, автомат машина коюшуптур....Мен да ойлодум мурда эле алсак эмне деп...Апам экобуз кышта суукта кир жууйт элек,колдорубуз ушуп...Биз чонойгуча канча кирди жууду экен ушуп,кыйла жылдан кийин ушундай шарт тузушконуно окуном.эртераак эле алсак эмне... ...Бирок ушунусуна деле шугур...

Комментарий калтыруу үчүн өз ысымыңыз менен кириңиз же каттоодон өтүңүз.