super.kg logo

Кыргыз жигити Чикагодо IT тармагындагы компанияны жетектейт

 

Баткендин 27 жаштагы кулуну Эсен Ниязов учурда АКШнын Чикаго шаарында IT тармагындагы компанияны жетектейт. Анын Бишкек шаарында дагы IT тармагында компаниясы бар. Балалыгы Баткенде өткөн Ниязов бир топ жылдан бери чет жакта жашап, өзү сүйгөн кесиби менен ишин улантууда. Заманбап билим жаатында көптү үмүттөндүргөн жаш адис Эсен Ниязов келечектеги максаттары, жетишкендиктери, бүгүнкү коомдо IT тармагынын актуалдуулугу тууралуу SUPER.KG порталына маек берди.

"Досторум, санаалаштарым менен биргеликте "Айылдан IT'ге" аталышындагы жаңы проект баштадык. Бул долбоор айыл жерлерине маалымат-байланыш тармактары боюнча презентациялар, кыргыз тилинде видеосабактарды өтүүгө шарт түзөт. Андагы окуучуларга бул тармакта шык берүүчү иш-аракеттер жүргүзүлөт. Долбоор 100 пайыз окуучулардын кызыкчылыгы жана эл, жер үчүн, келечек үчүн жана келерки муун үчүн ишке ашат", - дейт ал. Устат катары Эсен Ниязов жетишкендиктери менен өзүн көрсөтө алган адамдардан сабак алып, андан шыктанат.
"Мындан улам мен бир адамга басым коюп устат деп айта албайм, жакшы таасир калтырган адамдардын баары мен үчүн устат", - деди Ниязов.
Каарманым билген тилдери, аны үйрөнүүдөгү кыйынчылыктары жана Америкага баруунун жолдору тууралуу дагы кеп салды. Анын айтымында чет өлкөгө барып окуу үчүн тил билүү абдан маанилүү.
"Учурда өлкөбүздө тил үйрөнүү үчүн толук, жеткиликтүү шарттар түзүлгөн аны жаштар тек гана пайдаланышы керек", - дейт ал. Маек учурунда Эсен Ниязов IT тармагынын азыркы коомдогу актуалдуулугун айтып берди. Айтымында, бул тармакта терең билим алып, Кыргыз өлкөсүндө туруп эле ири суммадагы акча тапса болот. Ал IT тармагындагыдай маянаны эч ким таба албасын, ошондуктан жаштарды бул тармакка кызыгып, IT дүйнөсү үчүн терең билим алууга чакырат. Маекти толугу менен видеодон көрүңүз, окурман.


АКШда IT тармагында иштеген кыргыз жигити: "Көп акчаны өзүбүздүн өлкөдөн деле тапса болот"

Автор: Гүлшат Ысамамат кызы
Оператор: Элчибек Кыштообаев
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136282;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: