Экс-мэрлер соту. Жактоочу Слесарёв: "Сот системи кадыр-баркын күн сайын жоготуп жатат"

Бүгүн, 18-декабрда Бишкектин Ленин райондук сотунда экс-мэрлер Албек Ибраимов менен Кубанычбек Кулматовго карата каралып жаткан кылмыш иши боюнча кезектеги соттук отурум уланууда. Анда тараптардын жарыш сөзү жүрүүдө. Отурумда экс-мэрлер Кулматовдун жана Албек Ибраимовдун жактоочусу Сергей Слесарёв жарыш сөзгө түштү.

"Сот системи авторитетин күн сайын жоготуп жатат. Бул бир нече мыйзамсыз, адилетсиз өкүмдөрдүн чыгып жатканына байланыштуу. Мамлекеттик айыптоочулар мыйзамга баш ийбей калганына кечээ дагы, бүгүн дагы күбө болуп келе жатабыз. Ошондуктан мен Кыргызстандыктарга кайрылып жатам. Бүгүнкү күндө ар бирибиз азыркы учурдагы мамлекеттүүлүгүбүздү жана коомубузду сактап калууга аракет кылып жатат болушубуз керек. Тилекке каршы, систем кыйрап жатат. Балким биз бул нерсени токтотуп калышыбыз керек. Бүгүн мен сөзүмдү баштайын деп жаткан эпизод, мэрия тарабынан бөлүнүп берген жер участокторуна тиешелүү. Эсиңиздерде болсо, мен ар бир эпизодду сериал деп атап келем. Бүгүн дагы жаңы серия башталып жатат. Аны мен "Сделка с правосудием или то чего не было", - деп атап койдум. Анткени иштин бул жагдайы боюнча 7 адам өтүп жатса, бир адам гана тор артында отурат. Ал Албек Ибраимов. Калгандары деле отурат. Бирок залда, алардын эркиндиги үй камагы менен гана чектелген. Ошол эле маалда тергөө бардык 7 адамга "коррупция" беренеси менен айып таккан. Эмнеге соттук иште мындай тандоо болуп жатат? Мамлекеттик айыптоочулардын ишинде дагы ушундай тандоо көрүнүп турат. Анткени алар жаза мөөнөтүн чектөөдө судьядан Албек Ибраимовго 12 жыл сурашса, калган 6 адамга 8 жыл берүүнү суранды. Тергөөнүн, мамлекеттик айыптоочулардын логикасы боюнча мэрияга тиешеси бар адамдын баардыгы коррупционер экен. Анда мындай логика менен кете берсек, өлкөдө баарыбыз коррупционербиз, бирок мыйзам тандоо системи менен каалагандарын эркиндигинен ажыратып коёт. Учурда "хайли лайкли" деген термин модага айланды. Ал англис тилинен которгондо "весьма вероятно" дегенди түшүндүрөт. Биздин сот системи мына ушул "хайли лайкли" деген принцип менен иштеп жатат", - деди жактоочу.

Автор: Бактыгүл Султаналиева

18:37 18-12-2019

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (6)

Mamiev

2019-12-18 18:55:38

Бизде эмне бүт эле камалгандардын жактоочулар орус улутундагылар го.Булар эмне законду жакшы билишеби. Же кыйратып кыргызча билбесе. Бизде сот орус тилинде өтөт да ошол үчүн булар аракет жасабайт кыргызча сүйлөгөнгө. Тетирисинче калпагын чечтирип орусча суйло деп чыгат

Absamat-90

2019-12-18 19:16:25

Тан калыштуу эмеспи Атамбаев баштаган топтун адвокаты жалгыз Слесарев.

Nazar76

2019-12-18 19:17:00

Сергей ошол сен коргон мэрлер элдин акчасын жеген коррупциянерлер

altyn-kumush

2019-12-18 19:22:41

Албек жана Кубанычбек экөө мэрияны эки бөлүп жеп алган экен да.

chake

2019-12-18 19:23:04

коррупционерди герой деп алашпасан Серега алар жанын жеген уурулар

Amir201519

2019-12-18 20:49:11

Соттордун паркы кеткен эптеп нанын таап жеп жатышат.Ар Ким озуно ОЗУ сот болушуп. ЭРТЕБИ КЕЧ ИЧЕР СУУСУ ТУГОНОТ БУЮРСА.

Комментарий калтыруу үчүн өз ысымыңыз менен кириңиз же каттоодон өтүңүз.