Башкы прокуратура Атамбаевдин жактоочулары баштык боюнча суракка чакыртылганын маалымдады

Мурдагы президент Алмазбек Атамбаевдин жактоочулары Сергей Слесарёв жана Замир Жоошев Аскер прокуратурасына күбө катары суракка чакыртылган. Алар 13-декабрда жана 17-декабрда чакырылганын Башкы прокуратуранын маалымат кызматынан кабарлашты.

Маалыматка ылайык, ички иштер министринин мурдагы орун басары Курсан Асановдун 7-8-август күндөрү Кой-Таш окуясында кызмат абалынан пайдалануу фактысы боюнча сотко чейинки иликтөө иштери жүрүп жатат. Буга байланыштуу жактоочулар күбө катары сурак бериши керек.

"8-августта Курсан Асанов Атамбаев менен сүйлөшүүгө барган. Анда Асанов мурдагы президенттин жан сакчысы Канат Сагымбаевден маанилүү документтер салынган күлгүн түстөгү баштыкты алып Раиса Атамбаевага жеткирүү үчүн өзүнүн жан сакчысы Дамирбек Пайзылда уулуна бергендиги тергөөнүн жүрүшүндө аныкталды.

Андан кийин өтө маанилүү эмес документтер салынган баштык экс-президенттин жактоочуларына өткөрүлгөн. Замир Жоошев коомчулукту жана тергөөнү адаштыруу максатында социалдык тармактагы баракчасына күлгүн баштыктын сүрөтүн жарыялап, анда маанилүү документтер болгон эмес деген билдирүү жасаган", - деп жазылат маалыматта.

Андан ары прокуратуранын маалыматында, 15-августта Аскер прокуратурасынын соттук чечиминин негизинде Сергей Слесарёвдеги документтер алынганы айтылат. Мындан улам жактоочулар Аскер прокуратурасына келип, көрсөтмө бериши керектигин билдирди.

"Тергөөнүн жүрүшүндө жактоочуларга күлгүн баштык тууралуу суроолор берилет. Бирок Слесарёв жана Жоошев мыйзамды одоно бузуу менен суракка келбей, "укук коргоо органдарынын мыйзамсыз иши" деп коомчулукту адаштырып жатат. Мыйзам жана сот алдында баары бирдей. Андыктан жактоочулар милдеттүү түрдө суракка келиши керек", - деп айтылат маалыматта.

Автор: Бактыгүл Момбекова

16:28 22-12-2019

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (9)

Melis2014

2019-12-22 16:49:09

Барбайбыз биз

-3

Alimbek1000

2019-12-23 08:55:53

АША канкор кеткенде да жөн кетпеди!

-1

Alimbek1000

2019-12-23 08:56:12

АША жазасын толук алышы керек!

Kairat1996

2019-12-22 17:48:11

Атамбаевтин эч кандай куноосу жок.

-3

aydinnur

2019-12-23 13:02:38

Kairat1996,азыркы бети жок бийлик бат эле коюп коёт куноону..Бул кланга эптеп чыдап,кийинки ажону туура шайласак акталып чыгат кудай буюрса.Колумду чаап салгым келет да ушул кланга добуш берген((

toktor89

2019-12-22 20:36:47

Анда эненер олтурдубу байкуш
Бирин жетим бирин жесир калтырдыбы?
Шакал экенсинер

Alia82

2019-12-22 23:58:23

toktor89,алардын олумуно туздон туз жетекчилеринин шалаакылыгы себеп, биз атат деп ойлободук эле деген

Jaznura

2019-12-23 09:36:43

Күлгүн баштыкта Атамбаевдин эң маанилүү документ жана байлыктары болгондугу шексиз. Аны бекеринен Асановго берген эмес Асанов андан жакшы эле көлөмдө доля алгандыгы ырас.

-2

aydinnur

2019-12-23 12:54:50

Оо кудай зоотехниктин балаасынан,кошоматчылардын жалган жалаасынан сакта!

Комментарий калтыруу үчүн өз ысымыңыз менен кириңиз же каттоодон өтүңүз.