Экс-депутат Равшан Жээнбековдун бөгөт коюу чарасы Бишкек шаардык сотунда каралды (видео)

Бүгүн, 26-декабрда Бишкек шаардык сотунда Жогорку Кеңештин мурдагы депутаты Равшан Жээнбековдун баш коргоо чарасы каралды.

Маалыматка ылайык, соттук отурум саат 09:30да башталган. Биринчи Май райондук соту Равшан Жээнбековду 9-февралга чейин камакка алууга чечим чыгарган.

Равшан Жээнбеков 12-декабрда Ички иштер министрлиги тарабынан кармалган. ИИМдин басма сөз кызматынын маалыматына ылайык, Равшан Жээнбековго Жазык кодексинин "барымтага алуу", "массалык баш аламандык уюштуруу" жана "бийликти күч менен басып алуу” боюнча айып коюлган.

Автор: Кызжибек Раимова
Фото: Кызжибек Раимова