Жер планетасынын Күнгө жакындаганы айтылды

Жер планетасынын Күнгө жакындаганы айтылды. Бул тууралуу орус басылмалары жазышты.

Орусиялык астроном Александр Якушечкиндин ЖМКлардын бирине берген маегинде Жер Күнгө эң жакын аралыкта жайгашкан орбита чегине - перигелейден өткөндүгүн билдирген.

“Жер орбитасынын перигелейи Күндөн 147 098 291 чакырым аралыкта экени белгилүү болду. Бул кадимки алыстыктан 2,5 миллион чакырымга жакын дегенди түшүндүрөт. 5-январда Жер планетасынын орбита чеги өзгөргөнүн, Күндүн көрүнүп турган диаметри орточо көлөмдөн 1,5 пайызга чоңоюп калганынан улам байкалган”, - деп айтылат маалыматта.

Окумуштуулар мындай астрономиялык көрүнүш Жер планетасынын климатына орчундуу таасир тийгизбешин айтып келишет.

Автор: Бактыгүл Султаналиева