Дүйнөлүк жылдыздар Австралиядагы тилсиз жоодон жабыркагандарга акчалай жардам көрсөтүп жатышат

Австралиялык актёр Крис Хэмсворт 1 миллион доллар акчасын өлкөдөгү тилсиз жоодон жабыркагандар үчүн жардам катары берет.

“Сиздер сыяктуу эле мен дагы токойдогу өрт менен күрөшүүнү колдогум келди. Мен жана үй-бүлөм өрттөн жабыркагандарга салым катары миллион доллар кошумча кошобуз. Сиздер дагы окуяга кайдыгер карабай, өз салымыңыздарды кошосуздар деп үмүт кылам”, - деп жазган ал социалдык тармактагы жеке баракчасына.

Актёрдун айтымында, акча тилсиз жоодон жабыркагандарга жумшалат. “Алды жакта өрт менен күрөшүп, жабыркап, жараат алгандар сөзсүз колдоого муктаж” деп билдирген ал.

Хэмсворт Австралиядагы өрттөн жапа чеккендерге жардамдашкан биринчи дүйнөлүк жылдыз эмес. Буга чейин австралиялык жана америкалык актриса Николь Кидман жарым миллион доллар акчалай жардамын аймактык өрт өчүрүү кызматына берген. Мындан кийин ага ырчы Пинк кошулуп, ал 500 миң доллар бөлгөн. Аталган кайгылуу окуядан жабыркагандарга жардам көрсөткөн белгилүүлөрдүн тизмесине актриса Хилари Дафф, ырчы Селена Гомес, актёр Рассел Кроу жана башкалар кошулган.

Австралиядагы өрттөн жапа чеккендерге жардам берүү дүйнөлүк спорт жылдыздары тарабынан дагы жүргүзүлүүдө. Алар дагы кайгылуу окуяга кайдыгер карабай, колдорунан чыккан акчалай жардамдарын көрсөтүшүүдө. Алардын арасында австралиялык теннисчи Ник Кирьос, орусиялык теннисчи Мария Шарапова бар.

Белгилей кетсек, Австралия өлкөсүнүн аймагында өткөн жылдын, тагыраагы, 2019-жылдын октябрь айында өрт чыккан. Токойду каптаган тилсиз жоо бүгүнкү күнгө чейин өчүрүлө элек. 5 миллиондон ашуун гектар аймакты жалмаган өрттүн кесепетинен 24 адамдын өмүрү кыйылып, 500 миллиондон ашуун жандык, анын арасында 8 миңдей коала күйүп кеткенин батыш маалымат булактары жазып чыккан.

Ал эми 5-январда австралиялыктар өлкө аймагында жамгыр жааганын видео, сүрөттөр аркылуу билдиришкен болчу.

Австралиялык актёр Крис Хэмсворт 1 миллион доллар акчасын өлкөдөгү тилсиз жоодон жабыркагандар үчүн бөлөт

Автор: Гүлшат Ысамамат кызы

13:40 07-01-2020

Жазылуу

РУБРИКАДАГЫ СОҢКУ КАБАРЛАР

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 147 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 438 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 332 0

15:33 2025-05-17 | Коом жана турмуш

Ала-Арча жаратылыш паркында үй-бүлөлүк майрам белгиленүүдө 422 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 298 0

15:06 2025-05-17 | Түркүн дүйнө

Трамп 1 миллион палестиналыкты Газадан Ливияга көчүрүүнү каалайт 620 0

Архив

Комментарийлер (2)

Aikaaaa

2020-01-07 14:01:49

Буларда садага деген түшүнүк жок да, жөн эле жардам беришип берип жатышат. Негизи эле ушулардай жөнөкөй болгон жакшы, кырсык болду деселе Аллахтын каргышына калган каапырлар, анан тиги бу, акыр заман деп бөлүнүп баштабай, адам бойдон калган жакшы

leilekstan_1987

2020-01-07 14:21:55

Aikaaaa,ооба буларда ыйман жок,ынсап,адамдык сапаты бар.

Комментарий калтыруу үчүн өз ысымыңыз менен кириңиз же каттоодон өтүңүз.