Бишкекке Жумгал районунан дагы бир ак илбирсти алып келишти. Бул тууралуу Айлана-чөйрөнү коргоо жана токой чарбасы мамлекеттик агенттигинен билдиришти.
Маалыматка ылайык, илбирсти Жумгал районунун Кашка-Суу кыштоосунан жергиликтүү тургундар көрүп калып, кабар беришкен.
"Илбирстин болжолдуу жашы 11-12де. Ал бирөөнүн короосуна кирип кеткен. Ал картайып калгандыктан, тамак таап жей албай калган. Азыр ветеринарлар аны карап жатышат. Дарылай турган болсо дарылашат", - деди басма сөз кызматы.