Кытайда акчасын үнөмдөйм деп 5 жыл бою күрүч жеп келген студент кыз каза болду

Кытайдын Гуйчжоу аймагынын жашоочусу жакырчылыктан улам 5 жыл бою сууга бышырылган күрүч жана чили калемпирин гана жеп жүргөн. Ал Гуйян шаарынын ооруканасынан каза болду. Бул тууралуу чет элдик басылмалар жазышууда.

Маалыматта айтылгандай, У Хуаянь болгону 24 жашта болгон. Анын өлүмүнө узак убакыт бою начар тамактангандыктан, анын жүрөгү жана бөйрөгү жабыркагандыгы себеп болгон. Кыздын ата-энеси каза болуп калгандан кийин иниси менен бирге күн кечирип келген. Бирок иниси психикалык жактан жабыркагандыктан, ал медициналык жардамга муктаж болуп турчу. Иниси экөө жергиликтүү бийлик төлөп берген 300 юань (3033 сом) өлчөмүндө жөлөк пул менен күн кечирип келишкен. Андан сырткары, кыз өзү окуган колледжден жыл сайын берилүүчү 7 миң юань (70 миң 770 сом) өлчөмүндөгү стипендияга татыган. Бирок анын акчасынын көбү инисинин дарылануусуна кетчү. Акчасын үнөмдөө үчүн У Хуаянь сууга бышырылган күрүч жана чили калемпири менен гана азыктанууга өткөн.

2019-жылдын октябрь айында анын ден соолугу кескин түрдө начарлап кеткен. Анын дем алуусу начарлап, басууда кыйнала баштаган. Ооруканага кайрылганда, дарыгерлер начар тамактангандыктан жүрөк жана бөйрөктүн иштешинин начарлашы деген жыйынтык чыгарышкан. Дарыланууга кыздын материалдык жактан мүмкүнчүлүгү жок болгондуктан, ал ЖМКлар аркылуу коомчулуктан жардам сурап кайрылган. Кайдыгер эмес жарандардан 1 миллион юань (10 миллион 110 миң сом) чогулганы менен ал учурда кыздын өмүрүн сактап калуу кеч болуп калган. Каза болордун алдында анын салмагы 22 килограммды түзгөндүгү айтылган.

Бул окуядан кийин Кытай Эл Республикасынын президенти Си Цзиньпин 2020-жылдын аягына чейин өлкөнүн бардык аймактарындагы жакыр үй-бүлөлөрдүн санын азайтуу тапшырмасын берген. 2019-жылдын ноябрь айына карата Гуйчжоу аймагында 150 миң жакыр адам бар экендиги аныкталган.

Автор: Сезим Жумагулова

07:30 15-01-2020

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта пардга катышкан Улуттук гвардиянын аскерлери кайтып келишти (видео) 169 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 1631 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 661 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2108 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 855 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 417 0

Архив

Комментарийлер (11)

Bekish-

2020-01-15 13:42:32

Байкуш кыз

AksyKum

2020-01-15 19:09:43

Менида кудай сактаган экенда,студен кезде 2кун сууга бышкан куруч жеген элем

Aikaaaa

2020-01-15 20:54:55

AksyKum, 2 күнбү? Бул кыз беш жыл жеген экен да. Кудай сизди чоң сактаптыр)))

AksyKum

2020-01-15 21:13:19

Aikaaaa,ооба ото чон сактаптыр шугур деп отурам.тамаша,эч кимди Аллахым ата энеден эрте ажыратпасын,баарыбызга Аллахым адалдан кенен ырыскы берсин

Kalemkash

2020-01-16 08:56:07

AksyKum,бироого зар бироого кор дуйно деген ушул да. Олуп атса тамашалашчу нерсе эмес го

Talgat89

2020-01-15 21:43:26

Апенди кыз десе

-2

ainura220888

2020-01-15 23:09:07

Бир окуя эсиме тушуп кетти. 2007-жыл болсо керек. Ноябрь айы эле. Айгерим деген кыз менен чогу квартирада жашап калдык. Бир подружкам аркылуу тапнышкан элек. 2-курста окуйт элем. Бир куну сабактан келсем дагы бир эже бар эле ал Россияга кетем деп аткан кетиптир байкуш шампунь майда чуйдо продуктыларды таштап кетиптир. Эртеси келсем жанагы Айгерим дагы жок продуктылар менен кошо. Менин акчаларым продуктыларым жаны кофта калготким кыскасы коп нерсе жок. Жада калса домашный тапкилеримда.

ainura220888

2020-01-15 23:12:52

Катырылган 1жилик эт кичине сахар анан 1кг куруч калыптыр. Апама чалып айтсам продукты жонотушту эртеси эле. Анда банктанда акча салышбайт эле. Же жанагы акча продукты жок даже туз жок. Универге барып келгени жолгирем эле бар.куруч менен сахар ото деле эмес экенин ошондо билгем

Sajakat14

2020-01-15 23:16:19

Замандаштар ден соолуктан кымбат эч нерсе жок да! Ден соолукту сатып ала албайсың. Ден соолугунан аяп отуруп жашоодон көз жумду. Анчалык ден соолугунан аяп битирленип!

Sajakat14

2020-01-15 23:18:51

Кудайдын берген жашоосун курутуп өзұнөн өзү аяп.

PROS

2020-01-16 09:15:46

Sajakat14,инисинин дары дармектерине керектептир да байкуш, инисин ойлоп өзүн курмандыкка чалыптыр.

Комментарий калтыруу үчүн өз ысымыңыз менен кириңиз же каттоодон өтүңүз.