"Кыргыз өлкөсүндө 2 жылдай кулчулукта иштедим. Түнү качып кетпесин деп бутубузду кишендеп коюшчу" дейт "Жди меня" берүүсүнө катышкан Казакстандын тургуну

10-январь күнү Орусиянын Биринчи каналынан "Жди меня. Казакстан" берүүсү көрсөтүлгөн. Анда кыздарын жана карындашын издеген Казакстандын тургуну Василий Евдошенко тууралуу сюжет даярдалган. Орусияда төрөлгөн Евдошенко 2 жашында эжесинин колунда Фрунзе шаарында тарбияланып, кийинчерээк Казакстанга барып үйлөнгөнү айтылган. Учурда ресоциализация борборунда жашаган каарман берүүгө кийинки тагдыры тууралуу айтып берип жатып Кыргыз өлкөсүндө кулчулукта болгонуна токтолгон.

"Кыргыз өлкөсүндө Жаңы-Жер деген айыл бар. Ал жакта лезгиндерде иштегем. Өткөн жашоомду эстегим да келбейт. 2 жылдай кулчулукта иштедим. Биз чөпканада жашачубуз. Күндүз өздөрү кайтарып иштетишчү. Түнү качып кетпесин деп бутубузга 1 жарым метрлик чынжырды байлап коюшат эле. Таңкы саат 4тө туруп иштечүбүз, күнүнө бир жолу 8 кишиге чоң нан, айран берип коюшчу, ошону бөлүп жеп алчубуз. Кийин кожоюндун баласы, тууганы менин качып чыгышыма жардам беришкен", - деген каарман. Андан соң "Карындашым Мария Карболина азыр менин каякта экенимди деле билбейт. Ал учурда Кыргыз өлкөсүнүн Чүй облусундагы Беш-Терек айылында жашайт. Оксана, Алёна кыздарым, карындашым Мария, менден кетсе кечиргиле жана колуңардан келсе алып кеткиле" деп көзүнө жаш алган аксакал.

"Жди меня" программасына катышкан казакстандык кыргыз өлкөсүндө 2 жыл кулчулуукта жүргөнүн айткан

Автор: Гүлжамал Абылкасымова

15:41 15-01-2020

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта пардга катышкан Улуттук гвардиянын аскерлери кайтып келишти (видео) 169 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 1631 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 661 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2108 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 855 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 417 0

Архив

Комментарийлер (6)

Dembele84

2020-01-15 15:58:24

Мыкаачылар

suban78

2020-01-15 15:59:02

Ооййооу биздин Кыргызстанда кулчулук бар бекен. Кармап камаш керек андай наадандарды. Кыргыздын колунан мындай наадандык келбейт, дити барбайт андайга эч качан. Биз корс муноз болушубуз мумкун, бирок андай наадан эмеспиз кыргыздар

+18

murat17

2020-01-15 16:15:53

suban78,кыргыздар эмес лезгиндер деп айтып жатат

Alia82

2020-01-15 17:31:26

murat17,лезгин ким алар, ошондой улут барбы

arnal78

2020-01-15 18:03:56

Alia82,Кавказдагы элдердин бири.Чечендер Орто Азияга Сталиндин учурунда депортацияланганда чечендердин арасында келип калишкан болсо керек да.

Shahrizaada

2020-01-15 20:24:07

Ысволуштар кыргызстанды жаман атты кылышканын лезгиндердин!

Комментарий калтыруу үчүн өз ысымыңыз менен кириңиз же каттоодон өтүңүз.