Оң колуң бергенди сол колуң билбесин. Англиянын полициясы айылдын жашоочуларына акча салынган баштык калтырып жүргөндөрдүн ким экендигин аныкташты

Эсиңиздеби, буга чейин Англиянын Дарем графтыгынын Блэкхолл-Кольери айылынын жашоочуларына 5 жыл бою кимдир-бирөө акча салынган баштык калтырып жүргөндүгү тууралуу жазылган. Полиция кызматкерлери сырдуу адамдын ким экендигин аныкташты. Бул тууралуу чет элдик маалымат булактары жазып чыгышты.

Ага ылайык, мындай сырдуу көрүнүш Англиянын Дарем графтыгындагы Блэкхолл-Кольери айылында катталган. Ар бир ташталган баштыкта 2000 фунт-стерлинг (болжол менен 180 миң сом) болгон. Айыл тургундары 2014-жылы жалпы 13 баштыкты полицияга тапшырышкан. Полиция кызматкерлери бул иштин бетин ачуу максатында банк жана бармак издери аркылуу текшерип көрүшкөндүгүнө карабастан, жыйынтык болгон эмес.

Декабрдын аягында Рождествонун алдында ал сырдуу адамдар ким экендиги аныкталган. Алар экөө болгон жана полицияга өздөрү барып, бул ишти эмне үчүн кылып жаткандыктарын түшүндүрүшкөн.

Анда алар аты-жөнүнүн сырдуулугу сакталуусун өтүнүшкөн. Мунун себебин кайрымдуулук иш үчүн көңүл чордонунда болуунун зарылдыгы жок деп түшүндүрүшкөн. Бир канча жыл мурун сырдуу акча таштап кетүүчүлөр күтүүсүздөн байып кетишкен. Ошондо алар ашыкча акчаларын Блэкхолл-Кольери айылынын тургундары менен бөлүшүүнү туура көрүшкөн. Алардын бири аял болгон. Анын айтымында, бул айылдын жашоочулары ага кандайдыр бир жардам берген (кандай жардам экенин айткан эмес) ошондон кийин бул айылдын жашоочуларына ыраазы болгон. Кээ бир учурларда алар акча салынган баштыкты таштаган жерге кимдир-бирөө алып кеткенче жашынып да тургандыгын айтышкан. Полиция кызматкерлери бул адамдарга ыраазы болушкан.

Мындан тышкары, алар Блэкхолл-Кольери айылында жашабагандыгын айтышкан.

Автор: Айжанар Рыспек кызы

17:26 15-01-2020

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта пардга катышкан Улуттук гвардиянын аскерлери кайтып келишти (видео) 169 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 1631 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 661 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2108 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 855 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 417 0

Архив

Комментарийлер (5)

tsunse

2020-01-15 17:37:43

Кандай сонун, ошолорду биздин айылга алып келиш керек экен.

Adil18

2020-01-15 18:21:24

Мен билгенден Кыргызстанда дагы бар мындай адамдар.Бирок ачык айтылбайт.Жылына 1 жолу орозо айына жакындаганда,орозо айында же курбан айт кундоруно чейин 30.000 сомдон бейтааныш кишилерге (мурун сыртынан байкап,жашоого коз карашы жакшы,уй-булоосуно кам коргон,бирок турмушунда акчага муктаж) берип жакшы нерселерге иштетип коюнуз деп берген адамдар бар.Аты жонун эч качан айтпайт.

JaneEr

2020-01-15 19:16:57

Бизде кайрымдуулук фонддор баш болуп рекламага чыгышат сразу.1 пакет продуктудан бери жадагалса эски кийим алган адамдардан бери тартып чыгарышат.

nazira1989

2020-01-15 20:04:08

Кандай жакшы,
,айтып койгулачы бизге да бир баштыгын берип жиберишсинчи...

aslan_akjol89

2020-01-15 23:29:15

Артып калган акчаны таштап кеткен дейт.Карачы,артып калган деген создо эмне деген терендик жатат.Бизде оммуру артпайт го дейм да.

Комментарий калтыруу үчүн өз ысымыңыз менен кириңиз же каттоодон өтүңүз.