Күтүүсүз байлык. Мичигандын жашоочусу диван сатып алып, андан 40 миң доллар таап алган

Мичигандын жашоочусу эски диван сатып алат. Бирок ага отуруу абдан ыңгайсыз болгондуктан, диванды ачып көрүп, ичинен 40 миң доллар таап алган. Бул тууралуу чет элдик маалымат булактары жазып чыгышты.

Маалыматта жазылгандай, АКШнын Мичиган штатынын Говард Кирби аттуу тургуну 2019-жылы декабрда өзүнө комиссиялык дүкөндөн (колдонулган буюмдарды сатуучу жай) эски диван сатып алган. Ал диванды бир канча апта колдонуп, ага отуруу абдан ыңгайсыз болуп жатканын сезет. Кирбинин кызы эмнеге мындай экендигин текшерүү үчүн диванды ачып көрүп, анын ичинде акча жашырылганын көрөт. Жалпысынан дивандын ичинен 40 миң доллар алып чыгат. Анын баары 20, 50, 100 долларлык болгон.

Мындан соң Кирби жактоочу менен кеңешип көрөт. Жактоочу бул жагдайды жана акчанын кайдан келгендигин ачыктоого милдеттүү эместигин билдирип, акчаны өзү алып калса болорун айткан. Бирок Кирби мындай туура эмес болорун ойлоп, диванды сатып алган дүкөндүн кызматкерине бул тууралуу билдирген. Сатуучулар өз учурунда диванды саткан адамды табышат. Ал бул диван бир канча ай мурун каза болгон чоң атасына тийиштүү экендигин айткан. Жыйынтыгында Кирби дивандын мурдагы ээсине бардык акчаны кайтарып берген. "Эгерде мен ушундай кырдаалга туш болсом, эмне кылмак элем деп улам-улам ойлондум. Эми өзүмдү эң сонун сезип жатам", - деген Кирби. Ал эми диванды Кирби өзүнө алып калган.

Автор: Айжанар Рыспек кызы

14:33 21-01-2020

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта пардга катышкан Улуттук гвардиянын аскерлери кайтып келишти (видео) 169 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 1631 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 661 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2108 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 855 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 417 0

Архив

Комментарийлер (8)

interpol

2020-01-21 14:53:41

Кыргызстанда болгондо эч ким кайтарып бермек эмес. Мисалы мен бермек эмесмин.Бизде жадагалса миллионер аткаминерда кайтарып бермек эмес.

+11

Wibee

2020-01-21 17:43:16

Алардын дүйнө таанымы ан сезими башка.а биздин кыкендер аман эле болсун

jasgul

2020-01-21 15:00:17

мен деле. Күнөөкөр пендебиз го баарыбыз. Туура эместигин билсем да кайтармак эмесмин. Неге дегенде темасын окуганда эле мага туш болсо го ушул деп тиленип ийдим мен.

Margo82

2020-01-21 15:30:16

Чет олколуктор негизи оздоруно керектуу Гана нерсеге умтулушат,ашыкчага Коз артышпайт .мындай окуялар коп Болот аларда.Биз болсо ач Коз,коодонубуз жарды,дунуйо деп олуп кетебиз.
кошуна мн кошуна,абысын мн абысын ,кудалары,достор ,деги эле баарын андып отурабыз

souza.j

2020-01-21 16:19:20

Margo82,класс

Tolkun555

2020-01-21 19:42:43

Margo82,бизде акча бардык нерседен жогору болуп калган.туура айтасын тууган.баржык нерсени акча менен баалайбыз.

erlanspb

2020-01-22 00:30:23

Бизде болгондо сразу машина базарга барып машина тандамак Лексус алсамбы или ааз ичкен Фит алсамбы деп кайтып ошол дуконго барып дагы жок беле деп сыр билдирбей сурамакпыз

zamiirbek1993

2020-01-22 11:11:01

мен бермекмин. адал нерсеге емне жетсин.

-2

Комментарий калтыруу үчүн өз ысымыңыз менен кириңиз же каттоодон өтүңүз.