Суданда ачкадан өлгөнү калган арстандын сүрөтү интернетке жарыяланды

Суданда ачкачылыктан арстандар өлүп жатканын дүйнөлүк басылмалар жазып чыгышты.

Маалыматка ылайык, Судандын жашоочусу ачкадан өлөйүн деп калган арстандын сүрөтүн интернетке тараткан. Мындан улам социалдык тармактарда арстанды сактап калуу аракеттери жүрө баштаган. Ал эми жергиликтүү чиновниктер бул өлкөдөгү экономикалык кризистен улам болуп жатканын айтып түшүндүрүшкөн.

Судандын жашоочусу Осман Салих өзүнүн Фейсбуктагы баракчасына Аль-Куреш сейил багындагы арстандын абалы тууралуу пост жазган. Ал эми 20-январда арстандын ургаачысы өлгөнүн билдирген. Жергиликтүү бийлик кризистен улам жаныбарларга тамак жана дары-дармек алып бере албай жатышканын билдиришкен. Ал эми Салих сейил бактын бир айлык кирешеси бир арстанды бакканга жетпей жатканын кошумчалаган. Бул пост социалдык тармактарда катуу талкууга алынып, активисттер жаныбарларды коргоо максатында "Судандагы жаныбарларды сактайбыз" деген хештег менен чогулуп башташкан. Аларга Салих арстанга тамакты өздөрү алып келип берсе жакшы болорун айткан.

Дүйнөлүк жапайы жаныбарлардын фондунун маалыматы боюнча, африкалык арстандардын саны акыркы айларда 40 пайызга төмөндөгөн.

Автор: Айсалкын Качкынбекова

07:30 23-01-2020

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 827 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 518 0

16:22 2025-05-09 | Супер-Инфо

Геморрой жана анын түрлөрү 549 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1801 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 641 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1188 0

Архив

Комментарийлер (4)

Dembele84

2020-01-23 09:21:53

Эч нерсе бербей коюптур да таш боорлор,бага албасанар койо бергиле ачка камабай.

ainura220888

2020-01-23 11:40:28

Бир арстанды сактайбыз деп канча уй кой олот. Ал жагын ойлошбойт. Коюп жиберишсин ошончо олгучо кармап отура бербей

Bekturbek

2020-01-23 12:14:35

Эмнеге бир жаныбарды чыгарасыңар? Канчалаган элдер адамдар ачкадан өлүп жатат! ошолорду чыгарбайсыңарбы? Эх кайран адамдар, кайран заман. Эмне эле болуп баратат адамдар. Цивилизация өнүгүп жатат дейсиңер. Цивилизация эмес эле, айбанчылык өнүгүп жатат!

akmanai

2020-01-24 04:03:27

Жаныбар жана адам. Экоон тен жаратуучу жараткан. Экоо тен жашоого укуктуу. Экоо тен жардамга муктаж болот. Бир эне беш баласын бирдей жакшы коргондой эле. Жараткандын алдында жаныбарлар менен адамдар бирдей болсок керек. Тескерисинче адамдар оздорунун жасап жаткан ото жаман жоруктары менен жаныбарларга салыштырмалуу начар жандуулар болуп эсептелсек керек. Андыктан жаныбарды коюп адамдарга жардам беруу керек деген гумандуулукка жатпай калат.

Комментарий калтыруу үчүн өз ысымыңыз менен кириңиз же каттоодон өтүңүз.