"Дордой" клубу курамына дагы бир оюнчуну кошту

Бишкектик "Дордой" футболдук клубу катарына дагы бир оюнчуну кошту. Бул тууралуу клубдун расмий сайтына жарыяланды.

Клубдун катарын 26 жаштагы Беларусь футболчусу Максим Шыла толуктаган. Буга чейин Максим Шыла Беларустун Жогорку Лигасынын "Луч" командасында ойноп келген. Жаңы командасында футболчу 5-номерде ойномокчу.

Маалыматка ылайык, Максим Шыла "Дордой" клубуна кошулган үчүнчү чет өлкөлүк футболчу болмокчу. Буга чейин бишкектик клубдун катарын орусиялык жарым коргоочу Федор Шереметов жана болгариялык коргоочу Георги Радев толуктаган.

Автор: Азат Бейшенбеков