167 жүргүнчүнүн өмүрүн алган Боинг кырсыгы. Зеленский каза болгондордун жакындарына Иран мамлекети сунуштаган 80 миң долларды аз деди

8-январда Тегеранда Украинага таандык Боинг 737 учагы кулаган. Такталган маалымат боюнча бортто 167 жүргүнчү болуп, баары каза болушкан.

Иран бийлиги учак кырсыгында жакындарын жоготкон украиналык 11 үй-бүлөнүн ар бирине 80 миң доллардан (5 миллион 588 миң сом) компенсация төлөп берүү сунушун айтты. Бирок мындай суммага Украинанын президенти Володимир Зеленский макул болгон жок. Бул тууралуу ал жергиликтүү телеканалдардын бирине маек берип жатканда айтты.

"Иран каза болгондордун ар биринин үй-бүлөсүнө 80 миң доллар төлөп берүүнү сунуштады. Бирок биз макул болгон жокпуз. Менимче, бул каражат аздык кылат. Маркумдун жубайы жумушу жок экенин, күйөөсү үй-бүлөнү баккан жалгыз адам болгонун айтат. Баласы чоңойгондо жогорку окуу жайда билим алышы керек да", - деди ал.

Украинанын президенти бул иш боюнча Эл аралык сотко кайрыларын кошумчалаган. "Кандай болгон күндө деле Эл аралык сот болот, компенсация төлөнөт. Украина мамлекети тарабынан жоготууга учураган үй-бүлөнүн ар бирине 200 миң гривна (560 миң 35сом) берилген. Мындан тышкары, авиакомпания дагы компенсация төлөйт", - деген президент.

Учак Тегерандын Имам Хомейни атындагы эл аралык аэропортунан көтөрүлгөндө техникалык мүчүлүштүктөн улам кулаганы кабарланган. Бортто 180 жүргүнчү бар экендиги айтылган. Кийин такталган маалымат боюнча бортто 167 жүргүнчү болгондугу белгилүү болду. Жүргүнчүлөрдүн баары каза болду. Алардын арасында Ирандын 82 жараны, Канаданын 63 жараны, Улуу Британиянын 3 жараны, Германиянын 3 жараны, Швециянын 10 жараны, Ооганстандын 4 жараны жана Украинанын 11 жараны (алардын 9у экипаж мүчөлөрү) бар экендиги аныкталган.

Кийинчерээк Иран Украинага таандык Боинг 737 учагын кокустан атып түшүрүп алганын моюнга алган.

Автор: Бактыгүл Момбекова

17:45 03-02-2020

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 916 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 610 0

16:22 2025-05-09 | Супер-Инфо

Геморрой жана анын түрлөрү 642 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1904 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 715 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1291 0

Архив

Комментарийлер (9)

prorab

2020-02-03 17:56:26

Украиндерге убал жок, эч нерсе бербей койсо экен. Колуңардан келгенин кылгыла деп.

-8

Center

2020-02-03 18:08:16

Ар бирине бир миллион $ дан алгыла.

nargiz-sa

2020-02-03 18:13:37

Бизде ДачаСудагы кырсыктан олгондорго Турция канча тологону же толобогону белгисиз калган го

+10

Center

2020-02-03 18:23:30

nargiz-sa, 30 миллион$ дой компенсация төлөп бергенго түрк фирмасы.

-3

Taalai94

2020-02-04 00:23:18

Center,кимге

Jasa

2020-02-04 02:16:12

nargiz-sa, даже элден чогулган акчаны жутуп ийишти го

u02u02

2020-02-03 18:15:47

Биздин уяты доктор 1 тыйында алаалышпадыго дача суга кулагпнда мына чыныгы президент азаматсын Володимир

-2

Kyrgyz_bloger

2020-02-03 19:00:27

u02u02,Ала алышпады эмес куноолуу олко берет акчаны балким биздин чондор элге жеткирбей жеп коюшу мумкун.

Aimani

2020-02-03 20:56:39

u02u02,турктор төлөп берген. Компенсация алган элдин өтүнүчү менен жарыяланган эмес суммасы. Кыргыздар укмуш эле калкпыз да, Черныйлар бар, ууру кески дегендер бар. Бирөө укпасын деп коркот элдер

Комментарий калтыруу үчүн өз ысымыңыз менен кириңиз же каттоодон өтүңүз.