Криштиану Роналду футбол тарыхында эң көп гол киргизген үчилтикке кирди

Португалия курамасынын жана Италиянын "Ювентус" клубунун чабуулчусу Криштиану Роналду футбол тарыхындагы расмий оюндарда эң көп гол киргизген оюнчулардын ичинен 3-орунга жайгашты. Бул тууралуу "ТАСС" басылмасы жазып чыкты.

Маалыматка ылайык, 2-февраль күнү Италия чемпиондугунда "Ювентус" командасы өз үйүндө "Фиорентина" командасын кабыл алган. Бул оюнда Роналду 2 гол киргизип, өзүнүн карьерасындагы 721-722-голун жараткан. Бул көрсөткүчү менен ал буга чейин 3-орунда жайгашкан германиялык Герд Мюллерди (720 гол) ашып өттү.

Футбол тарыхындагы расмий оюндарда эң көп гол киргизген оюнчулар: Пеле (Бразилия) 767 гол, Ромарио (Бразилия) 734 гол, Криштиану Роналду (Португалия) 722 гол, Герд Мюллер (Германия) 720 гол, Ференц Пушкаш (Венгрия) 706 гол, Лионель Месси (Аргентина) 705 гол.