Орусиядагы мусулмандардын башчысы: "Орусия Кыргызстандын иштерине кийлигишкен жок"

"Мен "Орусия бийлиги эгемендүү Кыргызстандын иштерине кийлигишип жатат" деген билдирүүлөргө кошулбайм",- деп билдирди Бишкекте конференцияга катышып жаткан Орусиядагы Мусулмандар кеңешинин төрагасы Равиль Гайнудин. "Президент да, премьер-министр да өлкөдө исламчылардын жана мечиттердин санынын өсүп жатышы тууралуу билдирүү жасаган эмес",- деп кошумчалады ал. Айтымында, Орусия мечиттер менен мусулман уюмдарынын мыйзамдуу иштешин колдойт. Орусия да Кыргызстандай эле көп улуттуу өлкө экенин айтты Гайнудин.

Автор: Автандил Добулбеков