"Бул тизмеде "Сегиз жаңы жолугушуу" тасмасы бар. Башкы ролду Украинанын азыркы президенти Володимир Зеленский ойногон. Фильмди орус-украин кино чеберлери биргелешип тарткан. Тасмада роль жараткан актриса Екатерина Варнава аннексияланган Крымга баргандан кийин Украинанын коопсуздук кызматы аны улуттук коопсуздукка коркунуч жараткан кишилердин тизмесине киргизген. Мындан тышкары агенттик америкалык актёр Стивен Сигалдын катышуусундагы "Мачете" Жерар Депардьенин катышуусундагы "Тимпельбахтык ашынган тентектер" тасмаларын да көрсөтүүгө тыюу салды. Бул актёрлор дагы Украинанын коопсуздугуна коркунуч жараткан кишилердин тизмесинде", - деп айтылат маалыматта.
Мындан тышкары 2017-жылы кино боюнча мамлекеттик агенттик Украина аймагында Володимир Зеленский катышкан "Кудалар" тасмасын да көрсөтүүгө тыюу салган. Бул чечимге сериалга Украина маданият министрлигинин кара тизмесиндеги орусиялык актёр Федор Добронравовдун тартылганы себеп болгон.
