Кыргыз-тажик чек арасында аткезчилик жол менен 25 тонна цемент алып бара жаткан жаран кармалды

Кыргыз-тажик чек арасындагы “Сары-Таш” өткөрүү бекетинде аткезчилик жол менен жүк алып өтүүгө аракет кылган Тажикстандын жараны кармалды. Чек ара кызматы билдиргендей, ал жаран 21-августта тиешелүү документтери жок дүрбү, бычак жана башка аскердик буюмдарды Тажикстандан Кыргызстанга алып өтүүгө аракет кылган. Документтер толтурулган соң кармалган киши милиция кызматкерлерине өткөрүлүп берилген.

Ушул эле күнү кыргыз-тажик чек арасындагы “Карабак” чек ара бекетинде Кыргызстандан Тажикстанга 25 тонна цемент алып өтүүгө аракет кылган жаран кармалып, тиешелүү документтер толтурулган соң жүк жана кармалган жаран Бажы кызматкерлерине өткөрүлүп берилген.

Автор: Ширин Жумадилова