Мирлан Абдыкалыковдун "Жөө күлүк" тасмасы "Ника" сыйлыгына көрсөтүлдү

"Жөө күлүк" тасмасынан кадр.

Ата жолун улап келаткан режиссёр Мирлан Абдыкалыковдун "Жөө күлүк" тасмасы орусиялык беделдүү "Ника" кино сыйлыгына көрсөтүлдү. Тасманын режиссёру SUPER.KG порталына төмөнкүлөрдү билдирди.

"2-мартта Москвада 33-орусиялык Улуттук кинематографиялык "Ника" сыйлыгынын талапкерлеринин тизмеси чыкты. "КМШ, Грузия жана Балтия өлкөлөрүнүн мыкты тасмасы" наамына 5 талапкерлердин арасында биздин «Жөө Күлүк» тасмасы да көрсөтүлдү. Быйыл сынакка жалпысынан 120 тасма: 53 көркөм тасма, 47 документалдык, 20 анимациялык тасма билдирме калтырган. Сыйлыкты тапшыруу аземи 29-мартта Москва шаарында өтмөкчү", - дейт Мирлан Абдыкалыков.

Эске салсак, 2018-жылы Мирлан Абдыкалыковдун дебюттук "Сүтак" тасмасы Кыргыз өлкөсүнө алгачкы ирет "Ника" сыйлыгын алып келген.

Автор: Гүлжамал Абылкасымова