"Ак шумкарлардын" жарым коргоочусу Бангладеш чемпиондугунун жаңы сезонунда алгачкы голун жаратты

Футбол боюнча Кыргыз курамасынын жарым коргоочусу Бахтияр Дүйшөбеков Бангладеш чемпиондугунун жаңы сезонунда алгачкы голун жаратты. Бул тууралуу Футбол союзунан билдиришти.

Маалыматка ылайык, бүгүн 4-мартта Бангладеш Премьер-Лигасынын төртүнчү турунун алкагында Бахтияр Дүйшөбековдун "Башундара Кингс" командасы "Рахматгонж" командасы менен кез келген. Бахтияр Дүйшөбеков негизги курамда оюнга чыгып, оюндун 45-мүнөтүндө гол жараткан. Бул көрсөткүчү менен ал жаңы сезондогу алгачкы голун жаратты.

Бахтияр Дүйшөбеков "Башундара Кингс" командасында 2018-жылдан бери ойноп келет.

Автор: Азат Бейшенбеков