Митинг өтүп жаткан кезде Ак Үйдүн кызматкерлерине кол салган аялдын аты-жөнү такталып, милицияга жеткирилди. Бул тууралуу Ички иштер министрлигинин басма сөз кызматынан билдиришти.
Кылмыштардын жана жоруктардын бирдиктүү реестрине катталган фактылар боюнча "массалык баш аламандык" менен сотко чейинки өндүрүш иши башталган. "4-март күнү ИИМ тарабынан митинг учурунда Ак Үйдүн кызматкерлерине кол салган аялдын аты-жөнү такталды. 1973-жылы туулган Ч.Н. аттуу жаран Бишкек ШИИББине жеткирилди. Андан сырткары бейбаштык аракеттери менен эч себепсиз мазактап, маданиятсыз сөздөрдү сүйлөп, кол салышкан белгисиз аялдарга карата тиешелүү чараларды көрүп берүү үчүн арыз менен Жогорку Кеңештин кызматкерлери дагы кайрылышкан. Азыркы учурда Ч.Н. аттуу жаранга карата тиешелүү тергөө амалдары жүргүзүлүүдө. Топтолгон материалдын жыйынтыгы менен юридикалык баа берилмекчи. Азыркы учурда сотко чейинки өндүрүш уланууда", - деп жазылат маалыматта.