Казакстанда бөлтүрүктөрү үчүн өч алганы келген "Акбара" атылды

Казакстанда бөлтүрүктөрү үчүн өч алганы келип, койлорду кырган карышкыр атылды. Бул тууралуу казак басылмалары жазышат.

Окуя Актобе облусунун Полтавка айылында орун алганы айтылат.

Анда жергиликтүү мергенчилер карышкырдын эки бөлтүрүгүн атып кеткендиги үчүн ал ошол аймактагы койлорго жана мергенчилердин иттерине тиш салган.

"Койлорун караганы барган малчы жайытта карышкыр жүргөнүн көргөн. Алгач малчы аны ит деп ойлогон. Бирок беш койдун кырылып жатканын көрүп, мергенчилерди чакырган. Мергенчилер айылдан алыс эмес жерден карышкырды кармап, аны жок кылышкан. Кийинчерээк ал бөлтүрүктөрүнөн ажыраган карышкыр болгондугу жана ал айылга өч алганы түшүшү мүмкүн деген маалымат тараган", - деп айтылат маалыматта.

Автор: Бактыгүл Султаналиева