Бүгүн, 28-мартта Нарында Лимонти каймана аты менен белгилүү кримавторитет Алмаз Сулаймановду өлтүрүп кетишкен.
Ал эми Нарын ОИИБи бул окуя боюнча төмөндөгүдөй маалымат таратты.
"28-март күнү саат 12:50 чамасында Нарын шаарында Тойота-Пассо үлгүсүндөгү унаа менен Лексус 570 үлгүсүндөгү автоунаа жол кырсыгына учураган. Анын натыйжасында эки айдоочунун ортосунда сөздөн-сөз чыгып урушуп, бири-бирин бычак менен сайып алган. Андан соң Нарын ОИИБинин имаратына киши өлтүрүп алдым, мына алып келдим деп Нарын шаарынын 1995-жылы туулган тургуну Ш.Т. кайрылган. Бул факты Кылмыштардын жана жоруктардын бирдиктүү реестрине катталып, тергөө амалдары жүргүзүлүүдө", - деди басма сөз кызматынан.