Өкмөт калктын аярлуу катмарына жардам берүү үчүн даярдыктар көрүлүп жатканын жарыялады

Өкмөт калктын аярлуу катмарына жардам берүү үчүн бардык резервди пайдаланат, бул үчүн Мамлекеттик материалдык резервдер фондунан он миң тонна ун даярдалган. Маалыматты өкмөттүн басма сөз кызматынан билдиришти.

Анда айтылгандай, учурда Эмгек жана социалдык өнүктүрүү министрлиги райондордун, жергиликтүү өз алдынча башкаруу органдарынын башчылары менен биргеликте кошумча жардамга муктаж жарандардын жаңыланган тизмесин даярдап жатат. Алар ун менен камсыздалышат.

"Борбордо жана жер-жерлерде ар бир муктаж жаран унутта калбашы үчүн жетекчилер жеке жоопкерчиликти алышат. Ишкерлер, ыктыярчы уюмдар четте калбаганы кубандырат, алар калктын социалдык жактан аярлуу катмарына активдүү жардам беришүүдө. Кыргыз Республикасынын өкмөтү аларга жигердүү позициясы үчүн ыраазычылык билдирет.

Муну менен катар аймактардагы жетекчилерге бизнес-коомчулуктун өкүлдөрүнүн, кайрымдуулук уюмдардын, жарандык кошуундардын социалдык багыттагы демилгелерин жүзөгө ашырууга ар тараптан жардам берүү, ошондой эле гуманитардык жардамдарды чогултуу жана аны муктаж жарандарга таратуу үчүн туруктуу иштей турган аянтчаларды уюштуруу тапшырмасы берилди", - деп жазылат өкмөттүн билдирүүсүндө.

Мындан тышкары жардам иретинде муктаж адамдарга Эмгек жана социалдык өнүгүү министрлиги тарабынан да ун, май бериле турганы белгилүү болду. Маалыматты министр Улукбек Кочкоров жарыялады. Анын билдирүүсүнө ылайык, аз камсыз болгон ар бир үй-бүлө 3 кап ун, 15 литр май менен камсыздалат. Кийинчерээк мына ушундай эле жол менен дагы 30 миң кап ун жакыр үй-бүлөлөргө жеткирилет.

"Биздин министрлик БУУнун Дүйнөлүк азык-түлүк программасы менен биргелешип, жакыр үй-бүлөлөргө колдоо көрсөтүү максатында ишке ашырылып келе жаткан долбоор менен макулдашкан. Ал долбоордогу 1-программа - аймактарда коомдук пайдалуу иштерди жасоо. Экинчиси, жакыр үй-бүлөлөрдү өздөрүнө керектүү кесипке окутуу. Бул эки долбоорго катышкан аз камсыз болгон үй-бүлөлөрдү азык-түлүк менен камсыздап келгенбиз.
Учурдагы кырдаалды эске алып, БУУнун Дүйнөлүк азык-түлүк программасынын биздеги жетекчиси Андреа Баньоли менен жолугушуп, жогорудагы үй-бүлөлөргө тез арада миң тонна (20 000 кап) ун, 100 тонна суу май жеткирип берүүнү макулдаштык", - деп жазган министр.

Автор: Кызжибек Раимова

22:23 28-03-2020

Жазылуу

Тектеш кабарлар:

Өткөн бир суткада 7 миң 149 адам коронавируска каршы эмдөө алды

Коронавирус илдети башталгандан бери өлкөгө 20 миңден ашуун Кыргыз жараны кайтып келди

Комендант Ат-Башы районундагы бейтаптардын абалы тууралуу айтты

Индияда бир суткада 10 миңге чукул адамдан коронавирус аныкталды

Ошто перинаталдык борборго таандык имаратта кош бойлуу айымдар үчүн 50 орундуу стационар ачылат

27-майда Москва шаарындагы жүргүнчүлөрдүн рекорддук саны катталды

"Ухан вирусу": Дүйнөдө коронавирус илдетин жуктургандардын саны 25 миллионго жакындады

Медицина кызматкерлеринин арасында коронавирустан айыгып, кайра өзүнүн жумушун аткарып жаткандар бар

Новосибирск-Бишкек каттам чыры: Жергиликтүү бийлик өлкөгө кайта албай жаткан Кыргыз жарандары менен жолукту (видео)

Бүгүнкү күнгө карата Чүйдө коронавирус менен ооругандар 41 киши болсо, алардын ичинен 8и медицина кызматкерлери

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (8)

madina.87

2020-03-28 22:45:43

Улукбек Кочкоровго ишенебиз,таза так иштейт!!!

Samatalibei

2020-03-28 22:46:53

Шаардын четиндеги бир комната квартирада жашаган көп балалуу үй бүлөлөөр калып кетпесин! Квартирага акча жок, жумуштар токтогон базарда каропка солафан чогултуп сатып жанын баккан Апалардын жашоосу бул күндөрдө эмне болуп жатты экен?

OMURBEK.

2020-03-28 23:31:03

Samatalibei,эн туура айтасыз кыйналышып жатат квартирада жашагандар ушундай кырдаалда жардам керек болтат бизге окшогондорго

OMURBEK.

2020-03-28 23:26:37

Менда тортта балам менен квартирада олтурам кечо свет келиптир толой албай жатам кварплат бериш керек эхх жашооо кыйын эле болуп кеттиго мени окундургон нерсе окмот жактан эч кандай жардам жок же балдарга жолок акча жок жеболбосо мына ушундай жашоодо бир штук шренке да жок мага окшогондор толтура жардам керек коп балалууларга

Isa2014

2020-03-29 00:27:44

OMURBEK.,Улукбек Кочкоровдун сура да

mirkaa5182

2020-03-28 23:38:46

Улукбек Кочкоров жакшы иштерди жасап атат...

zamir_kgz

2020-03-29 01:03:52

Урматтуу супер_админ, Биз 10 кундон бери карантиндебиз Сузак району Благовещенко айылы. биз тарапка конул буруп койсонор.

admin_portal

2020-03-29 23:41:04

zamir_kgz, өтүнүчүңүз тиешелүү бөлүмгө жеткирилди.

Комментарий калтыруу үчүн өз ысымыңыз менен кириңиз же каттоодон өтүңүз.