Социалдык фонддун төрагасы пенсия боюнча онлайн маалымат жыйын берди (видео, хронология)

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 4-апрелде Социалдык фонддун төрагасы Медер Ирсалиев онлайн маалымат жыйын берүүдө.

2020-04-04 15:19:00

"Өзгөчө абал киргизилген аймактарда жашаган жаран карточка алганга жетишпеген болсо, почта кызматкерлери үймө-үй кыдырып пенсияларды беришет. Жергиликтүү өз алдынча башкаруу органдары менен сүйлөшүп жатабыз, банктар дагы пос-терминал аркылуу үйлөрүнө жеткиргенге мүмкүнчүлүк түзүлөт", - дейт ал.

2020-04-04 15:18:00

Ирсалиев "Президент кол койгон мамлекеттик социалдык камсыздандыруу тууралуу мыйзамга киргизилген жаӊы оӊдоолорго ылайык, жеӊилгис күчтүн кесепетинен камсыздандыруу төлөмдөр боюнча туум (пенялар) жана айыптык санкциялар өнбөгөн калдыктын суммасына кошулбайт. Бул мөөнөт өкмөт тарабынан аныкталат", - деди ал.

2020-04-04 15:16:00

Социалдык фонддун төрагасынын айтымында, ай сайын пенсияларды төлөөгө дээрлик 4 миллиард сом коротулат. "Каржылоо 9-апрелде ачылып, 10-апрелден тарта банктардан жана почта бөлүмдөрүнөн төлөмдөр бериле баштайт. Келерки айда пенсияларды каржылоо толук көлөмдө жана каралган мөөнөттө ишке ашырылат", - дейт Медер Ирсалиев.

2020-04-04 15:12:00

Ирсалиев пенсия өз убагында төлөнө турганын айтты. "Азыркы учурда Кыргыз мамлекетинде 670 миӊден ашык пенсионер ар кандай категориядагы пенсия алат. Алардын ичинен 55 пайызы банктардан пенсиясын алса, 45 пайызы пенсиясын почта бөлүмдөрүнөн алат. Почта кызматкерлери ар бир пенсионердин үйүнө алардын пенсияларын жеткирип беришет", - дейт ал.