"Кумтөрдөн" акча талап кылды" деп айыпталган Эрмек Жунушбаевдин досу: "УКМК уйку берген жок, түнү менен ар кайсы жерде качып жүрдүк"

"Кумтөрдөн" 3 миллион доллар талап кылды" деп айыпталгандардын бири Эрмек Жунушбаев кармалып, бирок коё бериле элек. Муну анын досу Чыңгыз Замиров бизге билдирди. Азыр Жунушбаевдин Ысык-Көлдө же Бишкекте экени белгисиз. "Түндө УКМК менен крим-чөйрөнүн өкүлдөрү бизге уйку беришкен жок, ар кайсы жерде жашырынып жүрдүк. Эрмекти эртең менен кармап кетишти. Учурда Саруу айылында 300дөй тургун топтолуп турат. Митингчилер деле ишти мыйзамдуу жол менен чечүүнү күтүп турушат. Эч кандай баш аламан аракеттерди жасашкан жок",- дейт Замиров.

Автор: Автандил Добулбеков