2019-жылы АКШнын аскердик бюджети Орусияныкына караганда 11 эсе көп болгон

2019-жылы АКШнын аскердик чыгымдары 5,3 пайызга көбөйүп, жалпы 732 миллиард долларга жетти. Бул тууралуу Стокгольм шаарындагы Тынчтыкты изилдөө институтунун (SIPRI) расмий сайтына жарыяланганын чет элдик басылмалар жазышууда.

Бир жылдын ичинде Америка Кошмо Штаттары коргонуу муктаждыктарына 5,3 пайызга көбүрөөк чыгым кылган. Алардын дүйнөлүк аскердик чыгымдардагы үлүшү 38,13 пайызды түзөт.

АКШдан кийинки экинчи орунда Кытай дээрлик үч эсе артта турат. Бул өлкөнүн аскердик чыгымдары 261 миллиард долларды түзүп, 5,1 пайызга көбөйгөн. Кытайдын дүйнөлүк аскердик чыгымдардагы үлүшү 13,59 пайызды түзөт.

Үчүнчү орунду Индия 2019-жылы 71 миллиард доллар сарптоосу менен ээлеп, 2018-жылдан берки эң жогорку өсүштү көрсөтүп, 6,8 пайызга өскөн. Индиянын дүйнөлүк аскердик чыгымдардагы үлүшү 3,7 пайызды түздү.

Орусия төртүнчү орунду ээледи. Өлкөдө аскердик чыгым 65 миллард 100 миллион долларды түздү, ал эми жыл ичинде өсүш 4,5 пайыз. Дүйнөлүк чыгымдардагы Орусиянын үлүшү 3,39 пайызды түзөт.

Бешинчи орунга Сауд Арабиясы 61 миллиард 900 миллион доллар сарптоосу менен жайгашкан.

Маалыматка ылайык, Стокгольмдагы Тынчтыкты изилдөө институту (SIPRI) эл аралык аскердик чыгымга байланыштуу маалыматтын эң беделдүү булактарынын бири болуп эсептелет.

Автор: Азат Бейшенбеков

11:36 27-04-2020

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (1)

KalenAlmaz

2020-04-27 14:42:27

Кучтуулор эми согушуп корбойсунорбу.Согушсанар деле кайран кыргыз тебетейин кийип колуна таяк карматып айдасанар керек,кембагал болсон шорун ошо да))))

Комментарий калтыруу үчүн өз ысымыңыз менен кириңиз же каттоодон өтүңүз.