Чилинин президенти эл алдына чыгуу учурунда жыгылды

Мындай учурду фотокабарчылар жөн коё беришкен жок

Тең салмактуулук жоголду

Мындай кокустук болуп кетерин билсе президент бул жакка чыкмак эместир

Чилинин президенти Себастьян Пиньера эл алдына чыгып сүйлөйм деп кокустан жыгылып түшүп, ондогон фотоаппарат жана видеокамеранын "олжосуна" айланды. Ал Сантьяго районундагы эски үйлөрдүн бузулушу менен таанышып жүргөн эле. Бузулган үйлөрдүн калдыктарын тебелеп өйдө чыгып баратып, тең салмактуулукту жоготуп жыгылды өлкө башчы. Чет элдик ММКлардын билдиришинче, олуттуу жаракат алган жок. Бир нече мүнөттөн кийин журналисттерге тамаша иретинде: "Жашоодо жыгылуулар боло берет, башкысы - кайрадан бутка тура билиш керек",- деди. Айта кетсек, мындай окуя Пиньера үчүн биринчи жолкусу эмес. 2010-жылы Жаңы Орлеандагы иш сапары учурунда Миссисипи дарыясына кулап кетейин деп барып оңолгон. Буга каптал жана тар жолдун тайгактыгы себеп болгон эле.

Автор: Автандил Добулбеков