Футбол тарыхындагы эң мыкты машыктыруучулар аныкталды

Англиялык "FourFourTwo" журналы футбол тарыхындагы эң мыкты машыктыруучуларды аныктады. Мындай наамга шотландиялык 78 жаштагы Алекс Фергюсон татыктуу деп табылды.

Алекс Фергюсон 1986-жылдан 2013-жылга чейин англиялык "Манчестер Юнайтед" клубун машыктырган жана Улуу Британия футболунун тарыхындагы эң көп титул уткан машыктыруучу.

"FourFourTwo" журналынын маалыматы боюнча, футбол тарыхындагы эң мыкты 5 машыктыруучу төмөндөгүчө:

1. Алекс Фергюсон ("Абердин", "Манчестер Юнайтед" жана Шотландия улуттук курамасын машыктырган);

2. Ринус Михельс ("Аякс", "Барселона", "Кёльн", "Байер" жана Нидерланддар курамасы);

3. Йохан Кройфф ("Аякс", "Барселона");

4. Билл Шенкли ("Ливерпуль");

5. Пеп Гвардиола ("Барселона", "Бавария", "Манчестер Сити").

Былтыркы жылы "France Football" журналынын рейтингинде Ринус Михельс мыкты деп табылса, Фергюсон экинчи орунда болгон.

Автор: Азат Бейшенбеков