Көз жоосун алган табияттын мыкты 10 сүрөтү

Энди Паркинсондун баш байгеге татыган "Кардагы коёнек" сүрөтү.

Кытайлык И Лю Кениянын улуттук Масаи-Мара паркынан объективине укмуштуудай учурду тартып калган.

"Суу астындагы дүйнө" наамына Грег Лекердин антарктикалык муздун астынан тюлендерди тартып алган сүрөтү татыды.

"Адам жана жаратылыш" наамы менен Гюнтер Де Бриндин африкалык пилдин тамак уурдап жаткан учуру тартылып калган сүрөтү сыйланды.

Артыкчылыктуу сыйлык Талиб Альмарринин Ботсвандагы гиппопотамдардын жуунуп жатканын чагылдырган сүрөтүнө ыйгарылды.

"World Press Photo" конкурсунун 5 жолку жеңүүчүсү Эми Виталенин самбуру уруусунун жоголуп кетүү коркунучунда болгон жаныбарлардын коргоочусун чагылдырган сүрөтү мыкты аталды.

Хуан Хесус Гонзалес Аюмаданын бул сүрөтү "Табияттын искусствосу" наамына татыды.

Франциялык Матье Фюлькюйенин бул сүрөтү "Суу астындагы дүйнө" бөлүмүнүн артыкчылыктуу байгесине татыды. Бакалардын урук таштоо учуру.

"Канаттуу жашоо" наамынын жеңүүчүсү болуп Пётр Наскрецкийдин жарганаттын сүрөтү табылды.

Агорастос Папатсанистин бул сүрөтү "Ландшафттар жана флора" категориясындагы мыкты сүрөт аталды.

Сан-Францискодогу Калифорния илимдер академиясы табигый тарых боюнча дүйнө жүзүндөгү эң ири музейлердин бири. Бул музей жыл сайын "BigPicture" деп аталган табияттын сүрөттөрү боюнча сынак уюштуруп келет. Бул жылы англиялык Энди Паркинсон "Кардагы коёнек" сүрөтү менен баш бейгени жеңип алды. Бул жылы табияттын мыкты сүрөтү деп табылган 10 сүрөт менен тааныштырабыз.

Автор: Сезим Жумагулова