Англияда карантин учурунда ун 4 эсе көп өндүрүлө баштады

Англияда карантинде дүкөндөрдө, фабрикаларда ундун тартыштыгы жаралды. Мындан улам унду өндүрүү күчөтүлгөн режимге өттү деп жазышат дүйнөлүк басылмалар.

Ага ылайык, Оксфордшир аймагындагы завод пандемия башталгандан бери унду 4 эсе көп, тагыраагы, күнүнө 13 миң мүшөк ун өндүрүүдө. Азыкты мындай ири көлөмдө өндүрүү үчүн заводдун жетекчилиги кызматкерлердин санын көбөйтүп, завод күнү-түнү иштөөгө өткөн. Заводдун 24 саат бою тынымсыз иштөөсү 125 жыл мурда болгон.

"Жарандар пандемиядан улам үйдө отуруп, ундан ар кандай тамак-аштарды көп даярдоосу азыкка болгон суроо-талаптын жогорулашына алып келди. Алтургай унду заводдон алып, үстүнө акча кошуп саткан окуялар кездешүүдө", - деп айтылат маалыматта.

Унга болгон суроо-талап Европанын айрым өлкөлөрүндө дагы байкалган. Францияда тургундар март айында унду эки эсе көп ала баштаса, Италияда унга болгон талап экинчи дүйнөлүк согуштан бери биринчи жолу эң жогорку чекке жеткен.

Автор: Бактыгүл Момбекова