Ош. Бир мектепке 1-класска кирген 100 баланын 20сы гана кыргыз класстарын тандады

Оштогу көпчүлүк мектептерде кызыктуу тенденция байкалууда. Мисалы, шаардагы П.Нышанов атындагы мектеп-гимназиясына быйыл 1-класска 100 бала кабыл алынса, анын 20сы гана кыргыз класстарын тандашты. Мектептин директору Бактыгүл Жусупалиева: "Балдардын орус тилине кызыгуусу күчөшүнө миграциялык агым себеп болууда. Көпчүлүк ата-энелер балдарын чет өлкөгө жиберүүгө кызыкдар, ошондуктан бир тил болсо да үйрөнүшсүн деп жатышат",- дейт.

Айта кетсек, Ош шаарында 15 кыргыз тилдүү, 15 кыргыз-орус тилдүү, 20 өзбек тилдүү, 10 орус тилдүү мектеп бар.

Автор: Аксана Паизова