Владимир Путиндин 25 жыл мурдагы кол тамгасы аукционго коюлду

Орусиянын президенти Владимир Путиндин кол тамгасы аукционго коюлду. Бул тууралуу орус басылмалары жазып чыгышты.

Ага ылайык, лоттун баштапкы баасы 40-50 миң рублди түзөрү айтылган.

"Владимир Путиндин 1995-жылы менчик компанияны мамлекеттик реестрге киргизүү жана каттоо күбөлүгүнүн астына коюлган колу автограф катары аукционго коюлган. Бул жылдары Орусия лидери Санкт-Петербург шаардык мэриясында тышкы байланыш комитетинин төрагасы болчу. Ал кезде бардык биргелешкен ишканалар Путин төрагалык кызматты ээлеген комитеттен каттоодон өтүп турушкан. Аукцион 17-июнда Санкт-Петербург шаарында өтөрү айтылууда", - деп жазылат маалыматта.

Автор: Бактыгүл Султаналиева