27-сентябрда ОшМУнун жаштар комитетинин төрагасы шайланат

Ош Мамлекеттик университетинин жаштар комитетинин төрагалыгын жана студенттик акыйкатчыны шайлоо 27-сентябрь күнү өтөт. Бул тууралуу окуу жайдын басма сөз катчысы Керим Калыгулов билдирди.

Айтымында, бүгүнкү күндө шайлоо комиссиясы такталып, талапкерлерди кабыл алуу иштери жүрүүдө. Талапкерлерди тактоо иштери 13-сентябрда кечки саат 17:00дө аяктап, андан ары окуу жайдын студенттерине үгүт иштери жүргүзүлө баштайт. Талапкерлер окуу жайдын студенти, аспиранты же жаш мугалими болушу тийиш экендигин кошумчалады Калыкулов.

Автор: Аксана Паизова