"Акылга сыйбас азыркы, айрым эркектердин жоругу". Төкмө акын Азамат Болгонбаев аялдарды аярлоого чакырып ырдады

Төкмө акын, Кыргыз Республикасынын эмгек сиңирген артисти Азамат Болгонбаев аялдарды аярлоого чакырган ырын жарыялады. Жарыялаган видеого ал: "Зомбулукка жол бербейли замандаштар!" деген билдирүүсүн жазган. Ырда:

...Акылга сыйбас азыркы,

Айрым эркектердин жоругу.

Эне бул үйдүн жарыгы,

Эне бул үйдүн кубаты.

Эне бул жашоо сапары,

Эне бул үйдүн мурасы.

Кадырлайт, сыйлайт жубайын,

Жигиттин болсо уяты.

Аялга кылган мамилең,

Кызыңа кайтар бир кезде.

Тамшанып баккан кызыңдын,

Тагдырын ойло бул кезде... деген саптар камтылган.

Болгонбаев ыр Сузакта аялынын моюнуна дөңгөлөк, таш артып, чакалап суу чачып, бетке чапкылаган эркектин видеосу тарагандан кийин жаралганын айтат. "Ошол көрүнүштөн алган таасирлер ырда жазылды", - деди ал.

Эске сала кетсек, 12-июнда Фейсбук тармагына эркек кишинин аялды жазалап жаткандагы видеосу тараган. Кийинчерээк, окуя 8-июнь күнү Сузак районундагы айылдардын биринде орун алганы облустук ички иштер бөлүмү тарабынан белгилүү болгон. Анда 51 жаштагы Б.З. үйүндө 47 жаштагы М.Д. аттуу аялынын моюнуна дөңгөлөк байлап, чакалап суу чачкан. Окуя боюнча М.Д. 11-июнь күнү Сузак РИИБине арызданган. Бул окуя Сузак РИИБинин Кылмыштардын жана жоруктардын бирдиктүү реестрине Жоруктар жөнүндө кодексинин 75-беренеси "үй-бүлөдөгү зомбулук" менен катталып, тиешелүү материалдар топтолгон соң Жазык кодексинин 144-беренеси (уруп-согуп кыйноо) болуп өзгөртүлгөн. Күйөөсү 11-июнда саат 18:00 чамасында Сузак РИИБинин убактылуу кармоочу жайына киргизилген.

Төкмө акын Азамат Болгонбаев аялдарды аярлоого чакырып ырдады

Автор: Кызжибек Раимова

14:07 18-06-2020

Жазылуу

РУБРИКАДАГЫ СОҢКУ КАБАРЛАР

10:51 2025-05-07 | Саясат

Садыр Жапаров менен Камчыбек Ташиев Ала-Арча сейил багына барышты (видео) 90 0

10:38 2025-05-07 | Түркүн дүйнө

Рамзан Кадыров: "Кызматтан бошотууну суранып келем" 184 0

09:57 2025-05-07 | Саясат

Садыр Жапаров Индия менен Пакистанды сүйлөшүүгө чакырды 421 0

09:51 2025-05-07 | Түркүн дүйнө

Индия Пакистанга сокку урду 838 0

09:45 2025-05-07 | Саясат

ТИМ Индия менен Пакистандын чек арасындагы кырдаалга карата билдирүү таратты 347 0

09:44 2025-05-07 | Кылмыштар, кырсыктар

Бишкектин айланма жолундагы автокырсыктан 15 адам жаракат алды 504 0

Архив

Комментарийлер (1)

erlan2196

2020-06-18 14:21:44

Азыр уй булоодо аялдарга зомбулук болуп туруш керек деген эркектер толтура. Сыртынан айткысы келбесе да, ичинен тымызын колдоп турушат. Озгочо аял кишиден багы ачылбай жаткан эркектер, психологиялык жактан аялдарды жек коруу сезимдери куч болот.

-3

Комментарий калтыруу үчүн өз ысымыңыз менен кириңиз же каттоодон өтүңүз.