Голливуд коронавирус пандемиясы тууралуу тасма тартат

Голливуд коронавирус пандемиясы тууралуу тасма тартат. Мындай маалыматты чет элдик басылмалар жазышууда.

Голливуд коронавирус тууралуу медициналык драма тартууга киришти. Тасма Кытайда эки аптанын ичинде тараган COVID-19 инфекциясы тууралуу баяндайт. Сюжеттин негизин Ухандагы дарыгерлер түзмөкчү. Тасма тартуу иши менен "SK Global Entertainment" компаниясы алектенүүдө, сценаристи Оскар киносыйлыгынын ээси Чарльз Рэндольф.

Вирус кантип пайда болгон, кандай шартта калың журтка жайылып кеткен жана аны менен күрөшүүдө ухандык дарыгерлердин аракетин баяндаган медициналык драма болору күтүлүүдө. Кытай бийлиги уруксат берсе, тасма 2021-жылы Кытайда тартылып баштайт.

Тасмага кимдер роль жаратат жана качан экранга чыгары тууралуу кеңири маалымат айтылган эмес.

Автор: Сезим Жумагулова