Ырчылар Мирбек Атабеков, Анжелика кычкылтек концентраторун алуу боюнча демилгени колдоп чыгышты

Өлкөдө COVID-19 жана пневмония илдеттери менен күрөшүүдө керектелүүчү жабдыктар жетишсиз экендиги буга чейин Саламаттыкты сактоо министрлиги тарабынан маалымдалган.

Жеке ишкерлер жана кайрымдуу жарандар тарабынан зарыл болгон медициналык жабдыктарды, тагыраагы кычкылтек концентраторун алуу демилгеси көтөрүлүп, катарга шоу-бизнес өкүлдөрү дагы кошулду.

Бул демилгенин башында турган жеке ишкер Адылбек Асанов видео кайрылуу жасап, анда 70 даана кычкылтек концентраторун алууга буюртма бергенин, буюрса келе жаткан аптада жабдыктар өлкөгө жеткирилерин айткан.

Бул демилгени колдогондордун бири Кыргыз Республикасынын Эмгек сиңирген артисти Мирбек Атабеков болду. Ал үй-бүлөсүнүн атынан 2 кычкылтек концентраторун алууга салым кошту.

"Мен демилгени көтөрүп чыккан жигиттерди жакшы тааныйм. Кайрымдуу иштерди жасап, адал иш менен алектенишет. Эгерде өкмөт "ушундай жабдыктарды алабыз, жардам бергиле" десе, анда салым кошпойт болчумун. Анткени ишеним аз. Демилгени баштап чыккандар алгач өпкөнү жасалма дем алдыруучу аппарат алууну пландашкан. Тиешелүү жактар менен сүйлөшкөндөн кийин өлкөнүн медицина тармагы кычкылтек концентраторлоруна муктаж экени аныкталып, ошол жабдыкты алууга буюртма беришиптир.

Элдин кыйналып жатканын карап отура бербей, өзүбүз жардам бере албасак дагы башкалардын кайрымдуулук кылуусуна себепчи бололу. Бир эле жабдык канча адамдын өмүрүн сактап калат. Биз кымбат унаа жана башка нерселерге кызыкпай, дени сак улут болууга аракет кылышыбыз керек", - дейт ал.

Ал эми ырчы Анжелика дагы бул саамалыкка кошулуп, бир медициналык жабдык алып берерин айтты.

12:37 02-07-2020

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 374 0

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1037 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 843 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 298 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 722 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 408 0

Архив

Комментарийлер (9)

take1984

2020-07-02 12:54:48

Алаа ыраазы болсун жакшы жанылык ишинерге ийгилик

AdylbekB84

2020-07-02 12:55:40

Бар болгула жардам колун сунгандар, Аллахым эки дүйнө бактылуулукту ыроолосун силерге!

+10

Asel69

2020-07-02 14:27:14

Жараткан Тенирим сиздерге жакшылыктарды буюрсун.

-4

Alixan-Nookat.2015

2020-07-02 14:34:56

Аллахым ыраазы болсун, жакындарыңар оору сыркоодон алыс болсун!

muslima-0788

2020-07-02 14:35:37

Рахмат.Элин учун кылган жакшылыгынар Аллахтан кайтсын силерге.Оорубагыла.

Aselya_9105

2020-07-02 14:38:43

Кыйын кырдаалда кээ бир кишилерибиз каникулдап, эс алууга чыкканы жатса бул азаматтар эл камын ойлоп жүрүшөт. Аллахым ыраазы болсун сиздерге!!!

karakyz23

2020-07-02 15:49:41

Кыйын болду бизге. Бирок шүгүр менин элим күчтүү,буюрса жеңебиз бул күндөр да өтөт. Болгону сабак алып,оңолобу. Дарыгерлер сиздерге терең ыраазычылык жана дагы ыраазычылык. Кимде ким ушул кырдаалда илдетти алдын алууда,жеңүүдө чара көрүп жатса мен аябай ыраазымын.Ушундай жакшы жаңылык окусам көзүмө жаш тегеренет. Баардыгы айыккан сыңары. Кыргыз элим дуа кылалы.

Genka

2020-07-02 16:28:28

Тенирчилер тынбадынар да ушу силер!

-1

Tymar

2020-07-02 18:49:10

Тенирим элибизге тынчылык берсин. Батабыз кабыл болсун.

Комментарий калтыруу үчүн өз ысымыңыз менен кириңиз же каттоодон өтүңүз.