Сооронбай Жээнбеков обсервацияда ыктыярчы болуп иштеп жатып каза болгон Адинай Мырзабекованын үй-бүлөсүнө барды

Бүгүн, 16-июлда президент Сооронбай Жээнбеков борбор калаадагы стационарлардын биринде ыктыярчы-медайым болуп иштеп жүрүп каза болгон И.Ахунбаев атындагы КММАнын студенти Адинай Мырзабекованын үй-бүлөсүнө барды. Бул тууралуу президенттик аппараттын маалыматтык саясат бөлүмүнөн билдиришти.

Мамлекет башчысы Адинайдын ата-энесине, туугандары менен жакындарына терең кайгыруу менен көңүл айтып, анын атына багыштап куран окуду.

"Түшүнүп турам, азыр эч бир сөз сиздерди соорото албайт. Өтө чоң жоготуудан улам кабыргаңар кайышып турат. Сиздердин оор кайгыңыздарды тең бөлүшүү менен кезинде өз баласын жоготуп, кайгыга баткан апамды эстеп жатам", - деп белгилеген президент, маркум Адинайдын апасына кайрат айтып жатып.

"Сиздер ушундай зирек, жашоону сүйгөн, адамдарды сыйлаган кызды тарбиялап өстүрдүңүздөр. Кудайым сиздерге ата-энесине, туугандары менен жакындарына сабырдуулук, бекем ден соолук жана узак өмүр берсин", - деди Жээнбеков.

Баарлашуу учурунда, ата-энеси кызынын окуучулук кезден бери доктур болууну кыялданганын, Ысык-Атадагы Юрьевка айылынын орто мектебин эң жакшы баалар менен аяктап, жалпы республикалык тестирлөөдөн жогорку балл алып, Медициналык академияга ийгиликтүү тапшырганы тууралуу айтып беришти.

Президент Сооронбай Жээнбеков Адинай Мырзабекова биздин замандын баатыры экенин, ал мекендештеринин эсинде башкалардын саламаттыгы үчүн өз өмүрүн арнаган кайраттуу ыктыярчы катары калаарын баса белгиледи.

Жээналиев Замирбек менен Молдокулова Дилбардын Адинай менен 4 кызы бар эле. Айгерим жана Бегимай студенттер, Жанель мектеп окуучусу.

Автор: Азат Бейшенбеков

13:28 16-07-2020

Жазылуу

РУБРИКАДАГЫ СОҢКУ КАБАРЛАР

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 49 0

16:38 2025-06-21 | Коом жана турмуш

Бишкек-Ош унаа жолуна япон технологияларын колдонуу менен 750 метрлик тоннель курулат 437 0

16:17 2025-06-21 | Коом жана турмуш

Бишкекте мамлекеттик ипотекага берилген жаңы үйлөрдүн бири чөгүп жаткандыгы айтылды (видео) 1768 0

15:44 2025-06-21 | Коом жана турмуш

Оштун мэри таңкы текшерүүсүн жөө чуркабай, эми велосипед менен өткөрүп баштады (видео) 972 0

15:23 2025-06-21 | Коом жана турмуш

Мугалимдердин айлык акылары эки этапта көтөрүлөт. Качан? 747 0

14:50 2025-06-21 | Түркүн дүйнө

Тунистин мурдагы президенти 22 жылга эркинен ажыратылды 509 0

Архив

Комментарийлер (19)

Paol

2020-07-16 13:34:10

Барганы гоо жакшы компенсация жонундо жазылбаптыр го

+11

aza84

2020-07-16 13:36:44

Сороновирус ошонун айынан кети

-4

Kulatov

2020-07-16 14:11:04

aza84,оозум бар деп эле сүйлөй бербегилечи элине жараша башчы дейт өзүбүздү да бир карап көрөлү.Жээнбековдон башка президент болсо эмне оорутпай коет беле булда болдо дүйнө элинин башына түшкөн апаат. Туура чондорубуздун да кемчилдиги бар албетте кечке эле наалый берген болбойт.

+17

Aman_90

2020-07-16 14:31:43

aza84,Мээнди иштетип суйлочу кичине.Ч...п алсанап дагы президент куноолуу деп отурабергиле,бул дуйнолук апаат болуп атат!Башка элдер наалыбай эле отурушат тынч эле,биз эле ушу догурунуп,ызы чуу кылып журобуз дайыма.

Arstan18.18

2020-07-16 15:57:11

aza84,блин 40кка чыгып атасын мэ...мээ экен! Италия эмне болду билесинби? Агада Соке виноваты? Кудайым ар бир Адам сезсин тооба келтирсин деп сыноо берди а силер дагы эле бироого асыласынар!

kyrgyzka7

2020-07-16 14:04:08

Чубак Ажынын уй булосуно да, барсан болмок!

+11

filis

2020-07-16 15:30:06

kyrgyzka7,
Чубактын уй булосуно баргандан эч пайда жок. Андай болсо ар бир адамдын омуру баалу. Олгондордун бардыгына барып чыксын. Бул кыз менен Чубакты салыштырба. Бул кыз чыныгы эрдик жасады.

-4

kyrgyzka7

2020-07-16 16:34:53

filis,Ооба эрдик жасады!Экоону салыштыруунун кажети жок!Экоо тен мыкты,Чубак ажы откон куну конул да айтып койбоду.Ошого эле жаздым.Туура ар бир адамдын олуму баалу дечи,ар биринин олуму баалу деп зоокуру,алкашы,наркоманынын олумуно бара берсе буларга окшогон мыктылардын баалуулугу кайда калат?

kandaisynar-

2020-07-16 21:37:29

kyrgyzka7,

Kylym.85

2020-07-16 14:31:37

Адам бололучу, ар бирибиз мен озум эмне кылып жатам, эмне пайдам тийип жатат деп ойлонолучу. Наалыгандар баарынар озумчулсунор бир тыйын пайданар жок, мамлекетибиз жарды болсо окмоттун иши чабал баарыбыз эле билебиз, кечке эле наалый бергенди токтотолучу

asemus

2020-07-16 14:33:42

Жакшы кылыптыр. Болду эми кечке эле президентке асыла бербейли. Башка өлкөлөр деле бул оору менен алыша албай көп адамдарды жоготуп жатышат. Ким билиптир ушунчалык болуп кетерин. Башында көпчүлүгү ишенген эмес. Карантинге жапса да жаман көрдүк, жаппаса дагы жаман көрүп жатабыз. Эгерде ооруканаларды куруп, жабдууларды же дары-дармектерди ала башташканда балким анда да акчаларды жөн эле коротуп атат деп жаман көрмөкпүз. Биринчи өзүбүз оңололу, осуруп койсок да президентке төңкөбөй.

Jaka78

2020-07-16 14:45:09

Барганы эң жакшы болуптур,внимание кылып,акча деле берди да, жөн эле бармак беле.Албетте өкүнүчтүү

-1

portugalia

2020-07-16 14:46:02

Элибиз да ото шумдуктуу болуп кетишти.Кичине сый урмат кылсак онугот белек.Ар кимге асылганды коюп озубузду тарбияласак.

bema_bema

2020-07-16 18:38:31

portugalia,Туура айтасыз, кичине болсо да сый болуш керек.Карантин киргизсе дагы жок оору деп презденке асылышты,эми не кылыш керек.Жеп бутуп койгон олкону качкан презденттер жыланачтап.Тоноп карызга батырып.

Jelezo

2020-07-16 17:13:39

Комментарий жазгандар жакшы тилек менен жазыпсыңар көпчүлүгүңөр баары силердей ой жүгүртүп мен эмне жасадым элим үчүн деш керекбиз.Ар бирибиз жакшы тилек кылып колдон келишинче жардам берсек баардык кыйынчылыкты жеңебиз.Россияда жүрсөк да колдон келишинче жардам берип жатабыз бул жакта деле май көл жок бирок элибизди унуткан жокбуз.

-1

bema_bema

2020-07-16 18:40:20

Jelezo,Ким кайсы башы жок минус басат дейиимда,жакшы эле жака угуттоп сонун создорго.

taku88

2020-07-16 18:49:55

Jelezo,тууура айтасын биринчи биз пейилди ондойлучу пейилге жараша да болот кооп нерсе

asad9

2020-07-17 10:40:54

Сокең эч нерсе чече албайт Атамбаевдин коюн колтугуна кирип жүрүп келди да. Чек арага бара албайт, октон жарадар болгон жоокерге больницага барат. Вирус чыккан жерге барбайт өлгөндөн кийин барат.

-3

Комментарий калтыруу үчүн өз ысымыңыз менен кириңиз же каттоодон өтүңүз.