ЖКда калкынын саны аз болгон айылдарды бириктирүү сунушу айтылды

“Кыргызстанда районго жана республикага баш ийген шаар” деген шаарлардын 2 түрү болушу керектиги тууралуу сунуш ЖКнын жыйынында айтылды. Бул тууралуу “КРнын администрациялык-аймактык түзүлүшү тууралуу” мыйзам долбоорунун демилгечилеринин бири Өмүрбек Текебаев бүгүн, 12-сентябрда ЖКнын жыйынында билдирди. Айтымында, Кыргызстанда учурда 31 шаар бар. “Кээ бир айылдарда 30-60 миң калк жашаган айыл өкмөттөрү бар, айрым айыл өкмөттөрүндө 2 миң эле адам бар. Ушуга байланыштуу айылдарды, айыл өкмөттөрүн бириктирип, укуктук базаларды түзүү керек. Бул мыйзам долбоорунун негизи ушунда”,- деди Текебаев. Өз кезегинде депутат Кожобек Рыспаев бул мыйзам долбоору абдан жакшы экендигин айтып, бул маселе боюнча мыйзам долбоорун иштеп чыгуу өкмөткө тапшырылганын айтып, бирок жыйынтык чыкпай келгенин билдирди.

Автор: Ширин Жумадилова