Жол кырсыгына кабылган орусиялык актёр Михаил Ефремовдун унаасынан белгисиз жүргүнчүнүн издери табылды

Жол кырсыгына кабылган орусиялык актёр Михаил Ефремовдун унаасынан белгисиз жарандын издери табылды. Бул тууралуу экспертизанын жыйынтыгында белгилүү болгонун жергиликтүү басылмалар жазып чыгышты.

Маалыматка ылайык, экспертиза кырсык болгон учурда актёр унаада мас абалында жалгыз болгондугун аныктаган. Бирок анын унаасынан башка адамдын тери жана эпителий клеткалары табылган. Адистер белгисиз жүргүнчүнүн жынысын аныктай алышкан эмес.

Мындан тышкары Ефремовдун унаасынан баңги заты табылган.

8-июнда Москва шаарынын борбордук көчөлөрүнүн биринде актёр Михаил Ефремов мас абалында унаа башкарып бара жатып, каршы тилкеде келе жаткан кичи жүк ташуучу Lada унаасы менен сүзүшкөн. Lada унаасынын айдоочусу ооруканадан каза болгондугу кабарланган. Кийинчерээк ал күнөөсүн моюнуна алганы айтылган.

Автор: Азат Бейшенбеков