Бишкекте жол кырсыгы катталып, эки милиция кызматкери ооруканага жеткирилди

Бишкекте бүгүн, 11-августта жол кырсыгы катталып, эки милиция кызматкери жабыркады. Бул тууралуу патрулдук милициядан билдиришти.

Маалыматка ылайык, жол кырсыгы бүгүн, 11-августта саат 14:50 чамасында Матросов менен Карасаев көчөлөрүнүн кесилишинде болгон.

Анда Рено Логан кызматтык унаасы менен Ваз 21 үлгүсүндөгү автоунаанын катышуусунда жол кырсыгы катталган.

Натыйжада кызматтык унаадан эки кызматкер жабыркап, "Тез жардам" кызматы менен ооруканага жеткирилген. Эки унаа тең айып короосуна токтотулуп, тиешелүү экспертизалар дайындалды.

Учурда жол кырсыгынын келип чыгуу себеби такталууда.

Автор: Айсалкын Качкынбекова