ӨКМ: "Акыркы 8 айда 65 адам сууга чөгүп кетти"

Өзгөчө кырдаалдар министрлиги сууга түшүүгө мүмкүн болбогон жерлерге (агын суулар, көлмөлөр) сууга түшүүгө тыюу салат.

Ата-энелер жаш балдарга өзгөчө көңүл буруу керектиги айтылат.

-Сууга уруксат берилген жайда, ал эми жаш балдар, бөбөктөр чоңдордун көзөмөлүндө түшүү керек;

-Тааныш эмес, балыры көп, алыс жерлерге чейин барууга тыюу салынат;

-Сууга мас абалында түшпөңүз;

-Суу боюнда балдарды кароосуз калтырбаңыздар;

-Кайыктын, катамарандын артынан кубалап, асылууга, жабышууга болбойт;

-Күн бүркөктө же катуу шамал башталганда сууга түшүүгө болбойт;

-Үйлөмө матрацтарда, жаздыкчаларда, дөңгөлөктүн камерасында сүзүүгө болбойт, ал жарылып кетсе, адам өмүрүнө коркунуч алып келет. Бул сүзгөндү жакшы билгендер үчүн да кооптуу;

-Көпүрө, тосмо, кеме токтоочу жайлардан, кайыктан жана катерлерден сууга секирүүгө болбойт.

2020-жылдын 19-августуна карата, сууда ар кандай себептер менен 65 адам өлүмү катталган (46 киши – жай мезгилинде) анын ичинен 33 эркек, 6 аял, 15 жаш бала жана 11 өспүрүм.

Ал эми былтыр ушул аралыкта 129 адам сууга чөгүп кеткен.

Автор: Айсалкын Качкынбекова