1-сентябрь - Билим күнү. Бет кап тагынып, колуна антисептикалык каражат кармаган окуучулар

Бүгүн, 1-сентябрь - Билим күнүндө бет кап тагынып, колуна антисептикалык каражат кармаган 1-класстар мектеп босогосун атташты. Быйылкы окуу жылында салтанаттуу линейка иш-чарасы дагы уюштурулган жок. Пандемия шартында башталган окуу жылы мугалимдер үчүн да ата-энелер үчүн да кыйынчылык жаратты өңдөнөт. Балдарын жетелеп келген ата-энелер алар менен кошо толкунданып турушту.

"Майрамдык маанай жылдагыдай болбосо дагы биз билгизбей өзүбүздүн көңүлүбүздү өзүбүз көтөрүүдөбүз", - деп билдиришти ата-энелер.

Бишкектеги Пушкин атындагы №17 мектеп-гимназиясынын мугалимдери Саламаттыкты сактоо министрлиги бекиткен атайын эреже менен иш алып барууда. Ага ылайык мектеп окуучулары класс ичинде социалдык аралыкты сактоо менен бет кап тагынып, дайыма антисептикалык каражаттарын колдонушат.

Мугалимдердин айтымында, пандемия шартына карабастан башталгыч класстардын мектепке келип окуй баштаганы жакшы болду. Себеби, аралыктан окууда 1-класстар эмес жогорку класстын окуучулары да кыйналып, көпчүлүгү татыктуу билим ала албай жатканын айтышат. Буга себеп, ар кандай техникалык мүчүлүштүктөрдөн улам окуучулардын өз алдынча сабакты өздөштүрүп кетүүсүндө кыйынчылыктардын жаралуусу болууда.

Автор: Гүлзина Каныбекова
Фото: Гүлзина Каныбекова

10:36 01-09-2020

Жазылуу

РУБРИКАДАГЫ СОҢКУ КАБАРЛАР

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 323 0

19:03 2025-06-20 | Спорт

Вьетнамда кыргыз балбан кызы Азия чемпиону болду 354 0

19:00 2025-06-20 | Бизнес-Инфо

ОСАГО 20% чейинки кешбэк менен — «Мой О!» супераппында тез жана ыңгайлуу 104 0

18:30 2025-06-20 | Түркүн дүйнө

Иран аба мейкиндигин жабууну 21-июнга чейин узартты 486 0

18:05 2025-06-20 | Түркүн дүйнө

Казакстанда 10 жаштагы баланы жаңы сейил багындагы чырактан ток урду 438 0

17:40 2025-06-20 | Түркүн дүйнө

Израил Тегерандагы ооруканага сокку урду 890 0

Архив

Комментарийлер (2)

AdylbekB84

2020-09-01 11:50:11

Эх мотурайгандар Кыргызстандын келечегине жараган жигит- кыздардан болуп чоңойгула! Буларды көрүп өзүмдүн тее 90 -жылдары мектепке барган күндөрүм эске түштү.

Saidochka

2020-09-01 14:01:55

Мойтойгон жожолор,билим жолуна тушкон ары бактылуу,ары туйшуктуу кадамынар байсалдуу болсун.элдин керегине жараган азаматтардан болгула ананайындар

Комментарий калтыруу үчүн өз ысымыңыз менен кириңиз же каттоодон өтүңүз.