Туйгунаалы Абдраимов: "Бишкекте добуштардын 30 пайызы жокко чыгарылса, жалпы шайлоонун жыйынтыгы жокко чыгарылат"

Эгер Бишкекте добуштардын 30 пайызы жокко чыгарылса, жалпы шайлоонун жыйынтыгы жокко чыгарылат. Бул тууралуу бүгүн БШКнын төрагасы Туйгунаалы Абдраимов маалымат-жыйында билдирди. Мындай пикирди төрага “Жергиликтүү кеңештерге депутаттарды шайлоо жөнүндө” мыйзамдын 38-беренесинин 7-бөлүгүнө шилтеме берип айтты. Ошондой эле Т.Абдраимов: “Шаардын айрым шайлоо участкалары боюнча күмөн санаткан жыйынтыктар, түшкөн арыздар бар. Алар толугу менен текшерилип бүткөндөн кийин гана тыянак чыгарууга болот. Арыздарда айтылган мыйзам бузуу фактылары тастыкталса, анда жыйынтык өзгөрүп кетиши мүмкүн”,- деди.