"Өлкөнүн бюджеттик саясаты кандай болуш керек?". Айым талапкерлердин теледебаты

Бүгүн, 23-сентябрда айым талапкерлердин теледебаты өтүп жатат. “Мекенчил" - Жылдызкан Жолдошева; "Ордо" - Гүлбарчын Медетбекова; "Ата-Мекен" - Эльвира Сурабалдиева; "Замандаш" - Гүлнара Дегенбаева; "Бир бол" - Зарина Чекирбаева.

Суроо: "Өлкөнүн бюджеттик саясаты кандай болуш керек, бюджеттик каражаттарды биз кантип туура башкара алабыз? Жалпы эле бул боюнча кандай сунуштарды бересиздер жана сиздердин конкреттүү кадамыңыздар кандай?"

Жылдызкан Жолдошева: "Айыл-чарба министрлигинде бүтүндөй бир армия отуруп алып, бир гана статистика менен алек. Бизде гектар-гектар жерлер иштетилбей калган. Таза суу жана сугат суулары боюнча дагы маселе чечиле элек. Мамлекеттик деңгээлдеги бюджеттик маселени чечүү үчүн жумуш орундарын түзүү керек. Экинчиден, эл бийликтен контрабанда иштерин токтотууну талап кылышы керек. Контрабанданы өз ордуна коё алышса, бюджет 2,3 же 5 эсе көбөймөк. Тилекке каршы, бул маселе менен эч ким күрөшпөй жатат".

Гүлбарчын Медетбекова: "Бизде бюджет азыркы учурда 30 пайыз дефицит менен кабыл алынып, 132 миллиард сомду түзөт. Пандемия республикалык бюджеттин абалын көрсөтүп койду. Биз мугалимдерге, дарыгерлерге, укук коргоо органдарынын кызматкерлерине эмгек акыларын үзгүлтүксүз төлөп беришибиз керек. Июнь айында пенсия, пособиялардын берилбей калышы мүмкүн экендиги айтылды. Ошондуктан азыркы учурда биздин бюджеттин так суммасын ким айтып берет. Андан тышкары биздин бюджетти көбөйтүү үчүн салык саясатын толук карап чыгыш керек. Көмүскө экономиканы көзөмөлгө алуу керек, бирок бизде көзөмөл жок".

Эльвира Сурабалдиева: "Бюджет жөнүндө сөз болгондо, айрыкча ар кайсы партиялар бюджеттин кыскарышы менен ар кандай программаларды сунушташканда, чындыгында, эч ким анын чечимин сунуштабайт. Тактап айтканда, биздин партия сунуштайт, айталы, бүгүнкү күндө бардыгы 800 миллион парламенттик чыгым жөнүндө сүйлөшүп жатышат, ал эми президенттик администрацияга кеткен чыгым бир жарым миллиарддан эки эсе көп экенин эч ким билбейт. Эмне үчүн биздин мамлекеттик кызматкерлердин санын 30 пайызга кыскартуу боюнча бөлүктү кыскартып, экстрималдык органдар менен пандемия учурунда жетиштүү көңүл бурулбаган дарыгерлердин жана мугалимдердин айлык акыларын жогорулатууга барышыбыз керек.

Биз региондорду кыскартуунун административдик-аймактык формасын пландап жатабыз, эгерде бул туура мамиле болсо, бүгүнкү күндө губернатор эч кандай функцияны такыр аткарбайт. Биз үгүт иши менен Кербенге барганыбызда элдин бийликке нааразычылыгын уктук.
Муниципалдык кызматкерлер өздөрү, акимчиликтер, айыл өкмөттөрү, жергиликтүү кеңештин депутаттары токтоп калсын деп тургундардын өзүлөрүнөн кызмат кылып жатышты, институттан
губернаторлукту сурайбыз, буга акча үнөмдөп берсе болот. Биз бир жерде жарым миллиард сомдун тегерегинде эсептейбиз".

Зарина Чекирбаева: "Бул көп жерден эле суралган суроо. Эми муну комплекстүү чечүү керек. Мисалы, жылына бажы тарабынан 5 жүз миллион сом жок болуп кетип жатат. Ошондой эле коррупция бүт жерде бар. Аны пандемия учурунда баарыбыз көрдүк. Аны чечүүгө саясий эрк керек, тазалаш керек.

Бул, албетте, абдан тапташып калган система. Биздин партия тажрыйбалуу, жаш, жаратман команда. Бизде ишкерликти таза алып кетип жаткан талапкерлер бар. Эрк болбосо мындай жумуштарды жасоо мүмкүн эмес".

Гүлнара Дегенбаевадан: "Бюджетти үнөмдөө үчүн бардык мамлекеттик балдар үйлөрү жабылган. Азыр балдар пандемия учурунда көчөдө жүрүшөт, аны эч ким билбейт. Айыл-чарба биздин эң чоң кирешебиз. Ооба, сиз өзүңүз түшүнүп турасыз. Акчанын кандайча жана кайда жумшалгандыгын жана акчаны кандайча жумшаш керектигин оптималдаштырат жана туура приоритет берет. Акчаны кайда жумшасак жакшы болот? Башкача айтканда, бул акчаны көзөмөлдөө дагы абдан маанилүү, бюждеттеги акчага контроль жок болгондуктан биз азыр ушундай абалдабыз".