Кой-Таш окуясы боюнча соттук отурумда "Альфа" кызматкерлеринин арасынан 3 жабырлануучу көрсөтмө берди

Бүгүн, 28-сентябрда Биринчи Май райондук сотунун өндүрүшүндө Кой-Таш окуясы боюнча процесс болуп өттү.

Ага ылайык, бүгүнкү сот отурумунда УКМКнын атайын багыттагы кызматынын “Альфа” кызматкерлеринин арасынан жабырлануучулар К.Кожахметов, У.Уланов жана Ф.Фархатов суракка алынганы маалымдалат.

"Жумуш убактысы бүткөндүгүнө байланыштуу сот отуруму 30-сентябрь саат 10:00гө жылдырылды", - деп билдиришти мекеменин маалымат кызматынан.

Башкы прокуратура Кой-Таш окуясы боюнча козголгон ишти тергеп бүтүп, Бишкектин Биринчи Май райондук сотуна өткөрүп берген.

Анда 14 адам айыпталууда. Алардын катарында мурдагы президент Алмазбек Атамбаев, Фарид Ниязов, Равшан Жээнбеков, Ирина Карамушкина, Асел Кодуранова, Кундуз Жолдубаева, Канат Сагымбаев, Мээрбек Мискенбаев, Фархат Баабиев, Канат Осмоналиев, Рыспек Карыпбек уулу, Марат Шаменов, Нооруз Капарбек уулу жана Асангелди Какебаев бар.