"Тазалык" кызматы Гапар Айтиевдин боёлгон эстелигин тазалады

Бишкекте белгисиз адамдар Гапар Айтиевге арналып коюлган мемориалдык тактага тартып кеткен сүрөт тазаланды. Бул тууралуу SUPER.KG порталына "Тазалык" муниципалдык ишканасынын басма сөз катчысы Жибек Каракеева билдирди.

"Гапар Айтиевге арналып коюлган мемориалдык такта тазаланды. Бул эстеликти биздин алдыбызда кимдир-бирөөлөр жууганга аракет кылган, анча-мынча тактар бар экен, аларды биз тазаладык. Арабызда жакшы адамдар көп экени кубандырат", - деп билдирди ал.

Буга чейин Бишкекте белгисиз адамдар Гапар Айтиевдин эстелигине сүрөт тартып кеткендиги тууралуу Павла аттуу социалдык тармактын колдонуучусу баракчасына жазып чыккан.

Автор: Гүлзина Каныбекова