"Зенит" баскетболдук клубу Евролигадагы үчүнчү матчты COVID-19 илдетине байланыштуу жылдырат

"Зенит" баскетболдук клубу Евролигадагы үчүнчү матчты COVID-19 илдетине байланыштуу жылдырат. Бул тууралуу орусиялык баскетбол клубунун расмий сайтына таянып, орус басылмалары жазып чыгышты.

Маалыматка караганда, 22-октябрда Санкт-Петербургда өтө турчу Евролигадагы "Зенит" менен "Милан" клубдарынын оюну коронавирус илдетине байланыштуу кийинкиге калтырылды.

"Зенит" матчка кеминде сегиз баскетболчуну жарыялай албагандыктан матчты жылдырууну суранды" - деп айтылат билдирүүдө.

Коронавирус илдетинин кесепетинен дагы эки жолугушуу жылдырылды: "Анадолу Эфес" (Түркия) - "Асвел" (Франция), "Альба" (Германия) - "Баскония" (Испания).

Маалыматка ылайык, буга чейин да "Зенит" клубунун оюнчуларынын арасынан коронавирус илдети чыккандыгына байланыштуу 2 матч жылдырылган.

Автор: Алина Айдарбекова